ന്യൂഡല്ഹി: പുല്വാമയില് സൈനികര്ക്ക് നേരെയുണ്ടായ ഭീകരാക്രമണത്തില് ഭീകരസംഘടനയായ ജയ്ഷെ മുഹമ്മദിന്റെ പങ്ക് വെളിപ്പെടുത്തുന്ന തെളിവുകള് ഇന്ത്യ പാകിസ്താന് കൈമാറി. ഇന്ത്യയിലെ പാകിസ്താന് ഡെപ്യൂട്ടി ഹൈക്കമ്മീഷണര് സയ്യീദ് ഹൈദര് ഷായെ സൗത്ത് ബ്ലോക്കിലേക്ക് വിളിച്ചു വരുത്തിയാണ് ഇന്ത്യ തെളിവുകള് കൈമാറിയത്.
പുല്വാമ ആക്രമണത്തില് ജയ്ഷെ മുഹമ്മദിന്റെ പങ്ക് ഉറപ്പിക്കുന്ന തെളിവുകളും പാകിസ്താനിലെ ജയ്ഷെ മുഹമ്മദ് കേന്ദ്രങ്ങള് സംബന്ധിച്ച വിവരങ്ങളും ഇന്ത്യ പാകിസ്താന് കൈമാറിയ രേഖകളില് ഉള്പ്പെടുന്നുണ്ടെന്നാണ് വിവരം. ഇന്ത്യന് പോസ്റ്റുകള്ക്ക് നേരെ പാകിസ്താന് വ്യോമസേന നടത്തിയ ആക്രമണത്തില് ശക്തമായ പ്രതിഷേധവും ഇന്ത്യ പാകിസ്താന് പ്രതിനിധിയെ ഇന്ത്യ അറിയിച്ചു.