ശ്രീനഗര്: ജമ്മു കാശ്മീരില് വിഘടനവാദി നേതാവ് യാസിന് മാലിക്കിനെ പോലീസ് കസ്റ്റഡിയില് എടുത്തു. വെള്ളിയാഴ്ച അര്ദ്ധ രാത്രിയാണ് ജമ്മു കാശ്മീര് ലിബറേഷന് ഫ്രന്റ് നേതാവ് യാസിന് മാലിക്ക് കസ്റ്റഡിയിലായത്.
കാശ്മീരിലെ സ്ഥിര താമസക്കാര്ക്ക് മാത്രമേ സ്വത്ത് വകയില് അവകാശമുള്ളുവെന്ന് വ്യക്തമാക്കുന്ന ആര്ട്ടിക്കിള് 35 എ എടുത്തു കളയണം എന്ന കേസ് സുപ്രീം കോടതി തിങ്കളാഴ്ച പരിഗണിക്കാന് ഇരിക്കെയാണ് യാസിന് മാലിക്കിനെ കസ്റ്റഡിയിലെടുത്തിരുക്കുന്നത്.
മൈസുമയിലെ വീട്ടില് നിന്നും അറസ്റ്റ് ചെയ്യപ്പെട്ട മാലിക്കിനെ കോത്തിബാഗ് പോലീസ് സ്റ്റേഷനിലേക്ക് കൊണ്ടുപോയി. പുല്വാമ ഭീകരാക്രമണത്തിന്റെ പശ്ചാത്തലത്തില് ജമ്മു കാശ്മീരിലെ വിഘടനവാദികള്ക്കുള്ള സുരക്ഷ ഇന്ത്യ നേരെത്തെ എടുത്ത് കളഞ്ഞിരുന്നു.