മംഗളൂരു: ലോക്സഭ തിരഞ്ഞെടുപ്പില് ബിജെപിക്ക് മുന്നൂറിലധികം സീറ്റ് ലഭിക്കുമെന്നും നരേന്ദ്ര മോഡി വീണ്ടും അധികാരത്തില് എത്തുമെന്നും മോഡിയുടെ സഹോദരന് പ്രഹ്ലാദ് മോഡി. മംഗളൂരുവില് ക്ഷേത്രദര്ശനത്തിനെത്തിയപ്പോള് മാധ്യമങ്ങളോട് സംസാരിക്കവെയാണ് പ്രഹ്ലാദ് മോഡി 2019-ലെ തെരഞ്ഞെടുപ്പ് 2014-ന്റെ ആവര്ത്തനമാകുമെന്ന ആത്മവിശ്വാസം പ്രകടിപ്പിച്ചത്.
മോഡി സര്ക്കാര് കഴിഞ്ഞ അഞ്ചുവര്ഷമായി ഒട്ടേറെ വികസന പദ്ധതികള് നടപ്പാക്കിയിട്ടുണ്ടെന്നും പ്രിയങ്കഗാന്ധിയുടെ രാഷ്ട്രീയപ്രവേശം ഒരു മായാജാലവും സൃഷ്ടിക്കില്ലെന്നും പ്രധാനമന്ത്രിയുടെ സഹോദരന് വ്യക്തമാക്കി.
ബിജെപിക്കെതിരേ പ്രതിപക്ഷപാര്ട്ടികളുടെ വിശാലസഖ്യം രൂപീകരിക്കുന്നത് വന് പരാജയമാകുമെന്നും പ്രഹ്ലാദ് മോഡി പറഞ്ഞു.