ചെന്നൈ: പ്രശസ്ത സംവിധായകനും തിരക്കഥാകൃത്തുമായ ലെനിന് രാജേന്ദ്രന് (67) അന്തരിച്ചു. ചലച്ചിത്ര വികസന കോര്പ്പറേഷന് ചെയര്മാനുമായിരുന്നു അദ്ദേഹം. ചെന്നൈയിലെ സ്വകാര്യ ആശുപത്രിയില് വെച്ചായിരുന്ന അന്ത്യം.
രണ്ടാഴ്ച മുമ്പ് കരള് മാറ്റിവയ്ക്കല് ചികിത്സയ്ക്ക വിധേയനായിരുന്നു. പ്രതീക്ഷകള് മങ്ങിയെങ്കിലും വീണ്ടും ജീവിതത്തിലേയ്ക്ക് തിരികെ വരുമെന്ന പ്രതീക്ഷ കുടുംബത്തിന് ഉണ്ടായിരുന്നു. ആ പ്രതീക്ഷകളുടെ വെളിച്ചം കിടത്തിയാണ് അദ്ദേഹം വിടവാങ്ങിയത്. മരണ സമയത്ത് കുടുംബാഗങ്ങള് അടുത്തുണ്ടായിരുന്നു. ഭാര്യ:ഡോ.രമണി , മക്കള്:പാര്വതി, ഗൗതമന്.
1981ല് വേനല് എന്ന സിനിമയിലൂടെയാണ് ലെനിന് രാജേന്ദ്രന് മലയാള സിനിമാ ലോകത്തേയ്ക്ക് ചുവടെടത്ത് വെയ്ക്കുന്നത്. എണ്പതുകളുടെ തുടക്കത്തില് മലയാള സിനിമയിലെ നവസിനിമയുടെ വക്താക്കളിലൊരാളായി ലെനിന് രാജേന്ദ്രന് ശ്രദ്ധേയനായി.
വേനല്, ചില്ല്, പ്രേം നസീറിനെ കാണ്മാനില്ല, മീനമാസത്തിലെ സൂര്യന്, മഴക്കാല മേഘം, സ്വാതി തിരുന്നാള്, പുരാവൃത്തം, വചനം, ദൈവത്തിന്റെ വികൃതികള്, കുലം മഴ, അന്യര്, രാത്രിമഴ, മകരമഞ്ഞ് എന്നിവയാണ് സിനിമകള്.