മുംബൈ: തെരഞ്ഞെടുപ്പ് റാലിക്കിടെ കേന്ദ്രമന്ത്രി നിതിന്‍ ഗഡ്കരി കുഴഞ്ഞുവീണു. മഹാരാഷ്ട്രയിലെ യവത്മാളിലെ എന്‍ഡിഎ സ്ഥാനാര്‍ഥി രാജശ്രീ പാട്ടീലിനു വേണ്ടി പ്രചാരണം നടത്തുന്നതിനിടയിലാണ് അദ്ദേഹം കുഴഞ്ഞുവീണത്.
നിതിന്‍ ഗഡ്കരി തെരഞ്ഞെടുപ്പ് റാലിയില്‍ പങ്കെടുത്ത് ജനങ്ങളെ അഭിസംബോധന ചെയ്യുന്നതിനിടയിലാണു കുഴഞ്ഞുവീണത്. ഉടന്‍തന്നെ സ്റ്റേജിലുണ്ടായ പ്രവര്‍ത്തകര്‍ അദ്ദേഹത്തെ താങ്ങിയെടുത്തു.
അടിയന്തര ചികിത്സ ലഭ്യമാക്കുകയും ചെയ്തു. നിലവില്‍ അദ്ദേഹം ആരോഗ്യവാനാണെന്നാണ് വിവരം. തിരഞ്ഞെടുപ്പിന്റെ ആദ്യഘട്ടത്തില്‍ ജനവിധി തേടിയ മണ്ഡലമായ നാഗ്പുരിലെ ബിജെപി സ്ഥാനാര്‍ഥിയാണ് ഗഡ്കരി.
മഹാരാഷ്ട്ര മുഖ്യമന്ത്രി ഏക്നാഥ് ഷിന്‍ഡെ വിഭാഗം നയിക്കുന്ന ശിവസേന അംഗമാണു രാജശ്രീ.