ന്യൂഡല്‍ഹി: രണ്ടാം നരേന്ദ്ര മോഡി മന്ത്രിസഭയുടെ ആദ്യ പുന:സംഘടനയില്‍ 43 പുതിയ മന്ത്രിമാര്‍ സത്യപ്രതിജ്ഞ ചെയ്തു. മലയാളിയായ രാജീവ് ചന്ദ്രശേഖറും സത്യപ്രതിജ്ഞ ചെയ്തു. മോഡി മന്ത്രിസഭയിലെ രണ്ടാമത്തെ മലയാളിയാണ് രാജീവ്.
പുനസംഘടന കഴിയുന്നതോടെ മോഡി മന്ത്രിസഭയില്‍ 78 അംഗങ്ങളാണുണ്ടാവുക. 43 പുതിയ മന്ത്രിമാരില്‍ 36 പേര്‍ പുതുമുഖങ്ങളാണ്. 15 പേര്‍ക്കാണ് കാബിനറ്റ് പദവി. 11 വനിതകളെ ഉള്‍പ്പെടുത്തിക്കൊണ്ടാണ് പുനസംഘടന.
മഹാരാഷ്ട്രയില്‍ നിന്നുള്ള രാജ്യസഭാംഗവും മഹാരാഷ്ട്ര മുന്‍ മുഖ്യമന്ത്രിയുമായ നാരായണ്‍ റാണെയാണ് ആദ്യം സത്യപ്രതിജ്ഞ ചെയ്തത്. തുടര്‍ന്ന് അസം മുന്‍മുഖ്യമന്ത്രി സര്‍ബാനന്ദ സോനോവാള്‍ സത്യപ്രതിജ്ഞ ചെയ്തു.
ഒന്നാം മോഡി മന്ത്രിസഭയില്‍ കായികമന്ത്രിയായിരുന്നു. മന്‍മോഹന്‍ സിങ് മന്ത്രിസഭയില്‍ അംഗമായിരുന്ന ജ്യോതിരാദിത്യ സിന്ധ്യ കേന്ദ്രമന്ത്രിയായി. കിരണ്‍ റിജ്ജുവിനും ഹര്‍ദീപ് സിങ് പുരിക്കും പുറമേ അനുരാഗ് ഠാക്കൂറിനും ആര്‍കെസിങ്ങിനും ജി കിഷന്‍ റെഡ്ഡിക്കും കാബിനറ്റ് മന്ത്രിമാരായി സ്ഥാനക്കയറ്റം ലഭിച്ചു.
അനുപ്രിയ പട്ടേലും ശോഭ കരന്തലജെയും മീനാക്ഷി ലേഖിയും കേന്ദ്രസഹമന്ത്രിമാരായി. മലയാളിയായ രാജ്യസഭാംഗം രാജീവ് ചന്ദ്രശേഖര്‍ കേന്ദ്രസഹമന്ത്രിയായി സ്ഥാനമേറ്റു. കര്‍ണാടകയിലെ മുതിര്‍ന്ന ബിജെപി നേതാവ് എ നാരായണസ്വാമിയും കേന്ദ്രസഹമന്ത്രിയായി.
യുവാക്കള്‍ക്കും പുതുമുഖങ്ങള്‍ക്കും പ്രാധാന്യം നല്‍കിക്കൊണ്ടുള്ളതാണ് പുതിയ മന്ത്രിസഭ. കേന്ദ്ര ടെലികോംമന്ത്രി രവിശങ്കര്‍ പ്രസാദും കേന്ദ്ര വാര്‍ത്താവിതരണമന്ത്രി പ്രകാശ് ജാവഡേക്കറും രാജിവച്ചു. ഡിവി സദാനന്ദ ഗൗഡ, ഡോ. ഹര്‍ഷ് വര്‍ധന്‍, സന്തോഷ് ഗാങ്വാര്‍, രമേശ് പൊഖ്രിയാല്‍, ബാബുല്‍ സുപ്രിയോ, അശ്വിനികുമാര്‍ ചൗബേ, ദേബശ്രീ ചൗധരി, സഞ്ജയ് ധോത്രെ പ്രതാപ് ചന്ദ്ര സാരംഗി, രത്തന്‍ലാല്‍ കഠാരിയ, റാവു സാഹിബ് പാട്ടീല്‍ എന്നിവരും സ്ഥാനമൊഴിഞ്ഞു.
പുനഃസംഘടനയിലെ 43 പേര്‍:
1.നാരായണ്‍ റാണെ
2.സര്‍ബാനന്ദ സോനോവാള്‍
3.ഡോ.വീരേന്ദ്രകുമാര്‍
4.ജ്യോതിരാദിത്യ സിന്ധ്യ
5.രാമചന്ദ്ര പ്രസാദ് സിംഗ്
6.അശ്വിനി വൈഷ്ണവ്
7.പശുപതി കുമാര്‍ പരസ്
8.കിരണ്‍ റിജിജു
9.രാജ്കുമാര്‍ സിംഗ്
10.ഹര്‍ദിപ് സിംഗ്പുരി
11.മന്‍സുക് മാണ്ഡവ്യ
12.ഭൂപേന്ദ്ര യാദവ്
13.പര്‍ഷോത്തം റുപാല
14.ജി കിഷന്‍ റെഡ്ഡി
15.അനുരാഗ് സിംഗ് ഠാക്കൂര്‍
16.പങ്കജ് ചൗധരി
17.അനുപ്രിയ സിംഗ് പട്ടേല്‍
18.ഡോ.സത്യപാല്‍സിംഗ് ഭാഗല്‍
19.രാജീവ് ചന്ദ്രശേഖര്‍
20.ശോഭ കരന്തലജേ
21.ഭാനുപ്രതാപ് സിംഗ് വര്‍മ
22.ദര്‍ശന വിക്രംജര്‍ദോഷ്
23.മീനാക്ഷി ലേഖി
24.അന്നപൂര്‍ണ ദേവി
25.എ നാരാണയസ്വാമി
26.അജയ്ഭട്ട്
27.കൗശല്‍ കിഷോര്‍
28.അജയ്കുമാര്‍
29.ബിഎല്‍ വര്‍മ
30.ചൗഹാന്‍ ദേല്‍സിംഗ്
31.ഭഗ്വത് ഖുഭ
32.കപില്‍ മൊറേഷ്വസ് പട്ടീല്‍
33.പ്രതിമ ഭൗമിക്
34.ശുഭസ് സര്‍ക്കാര്‍
35.ഭഗ്വത് കിഷന്‍ റാവു കരദ്
36.രാജ്കുമാര്‍ രഞ്ജന്‍ സിംഗ്
37.ഭാരതി പ്രവീണ്‍ പവാര്‍
38ബിശ്വേശ്വര്‍ തുഡു
39.ശന്തനു ശങ്കര്‍
40.മഹേന്ദ്രഭായി
41.ജോണ്‍ ബര്‍ല
42.ഡോ.എല്‍ മുരുകന്‍
43.നിശിത് പ്രമാണിക്.