ന്യൂഡല്ഹി: രാജ്യത്ത് ആശങ്ക ഉയര്ത്തി കൊവിഡ് വ്യാപനം. ഇന്നലെ 89,129 പേര്ക്ക് കൂടി കൊവിഡ് സ്ഥിരീകരിച്ചു. ഈ വര്ഷത്തെ ഏറ്റവും വലിയ പ്രതി ദിന വര്ധനയാണിത്. 44,202 പേരാണ് ഇന്നലെ രോഗമുക്തി നേടിയത്. കഴിഞ്ഞ ഇരുപത്തിനാലു മണിക്കൂറിനിടെ 714 പേര് വൈറസ് ബാധ മൂലം മരിച്ചു.
ഇന്നലെ 89,129 പേര്ക്ക് കൂടി കൊവിഡ് സ്ഥിരീകരിച്ചതോടെ രാജ്യത്ത് ഇതുവരെ 1,23,92,260 പേര്ക്കാണ് കൊവിഡ് സ്ഥിരീകരിച്ചത്. 1,15,69,241 പേര് രോഗമുക്തി നേടി. കൊവിഡ് ബാധിച്ച് ആകെ മരിച്ചവരുടെ എണ്ണം 1,64,110 ആയി. 6,58,909 പേരാണ് ചികിത്സയിലുള്ളത്.
ഇന്നലെ 7,30,54,295 പേര് വാക്സിന് സ്വീകരിച്ചതായി കേന്ദ്ര ആരോഗ്യമന്ത്രാലയം അറിയിച്ചു. അതേസമയം രാജ്യത്ത് രണ്ടാമതും ലോക്ക് ഡൗണ് ഉണ്ടാകില്ലെന്ന് കേന്ദ്ര സര്ക്കാര് ഇന്നലെ സംസ്ഥാനങ്ങളുമായി നടത്തിയ ചര്ച്ചയില് അറിയിച്ചു. എന്നാല് ലോക്ക്ഡൗണ് സംബന്ധിച്ച് സംസ്ഥാനങ്ങള്ക്ക് തീരുമാനമെടുക്കാമെന്നും നിയന്ത്രണങ്ങള് കടുപ്പിക്കണം എന്നും കേന്ദ്ര സര്ക്കാര് നിര്ദേശിച്ചു.