കേരളത്തില്‍ തീവ്രവാദ ഫാക്ടറി, പൗരത്വ നിയമത്തിന്റെ പേരില്‍ ഹിന്ദുക്കളെയും വേട്ടയാടുന്നു; രാഷ്ട്രപതി ഭരണം ഏര്‍പ്പെടുത്തണമെന്ന് ബിജെപി നേതാവ്

ബംഗളൂരു: കേരളത്തില്‍ രാഷ്ട്രപതി ഭരണം ഏര്‍പ്പെടുത്തണമെന്ന ആവശ്യവുമായി ബിജെപി നേതാവ് ശോഭ കരന്തലജെ. ട്വിറ്ററിലൂടെയാണ് നേതാവ് ആവശ്യം ഉയര്‍ത്തിയിരിക്കുന്നത്. കൊല്ലം കുളത്തൂപ്പുഴയില്‍ പാക് നിര്‍മ്മിത വെടിയുണ്ടകള്‍ കണ്ടെത്തിയ സംഭവത്തിന്റെ പശ്ചാത്തലത്തിലാണ് ശോഭ കരന്തലജെ കേരളത്തില്‍ രാഷ്ട്രപതി ഭരണം ആവശ്യമെന്ന് വ്യക്തമാക്കിയിരിക്കുന്നത്.

‘പോലീസിന്റെ ആയുധ ശേഖരത്തില്‍ നിന്ന് വെടിയുണ്ടകളും തോക്കുകളും കാണാതാകുന്നു. പൗരത്വ ഭേദഗതി നിയമത്തിന്റെ പേരില്‍ ഹിന്ദുക്കള്‍ വേട്ടയാടപ്പെടുന്നു. ഇപ്പോള്‍ പാക് നിര്‍മ്മിത വെടിയുണ്ടകളും കൊല്ലത്ത് കണ്ടെത്തുന്നു. കേരളം രാഷ്ട്രപതി ഭരണത്തിന്‍ കീഴിലാകേണ്ട ആവശ്യകതയുണ്ട്’-ട്വിറ്ററില്‍ പറയുന്നു