ആലപ്പുഴ: യുവതിയുടെ ഫോട്ടോ ഉപയോഗിച്ച് അശ്ലീല ഇമോജികളും വോയിസ് മെസ്സേജുകളും, അശ്ലീല ചാറ്റും അയച്ച പ്രതി പോലീസ് പിടിയിൽ. ചങ്ങനാശ്ശേരി വാഴപ്പള്ളി നടുവേലില് ഗൗരീസദനം വീട്ടില് ശ്രീരാജ് (20)ആണ് അറസ്റ്റിലായത്.
ആലപ്പുഴ സൈബർ ക്രൈം പൊലീസ് ആണ് ഇയാളെ അറസ്റ്റ് ചെയ്തത്. വിദ്യാർത്ഥിനിയായ യുവതി പഠിച്ച കോളജിൽ പഠിച്ചയാളാണ് താൻ എന്നു പറഞ്ഞാണ് ഇയാൾ പെൺകുട്ടിയുമായി അടുപ്പം സ്ഥാപിച്ചത്.
പിന്നാലെ യുവതിയുമായി അശ്ലീല ചാറ്റുകളും, വോയിസ് ചാറ്റുകളും തുടങ്ങി. ഇതോടെ പെൺകുട്ടി എതിർപ്പറിയിച്ചു. എന്നാൽ ഇയാൾ ശല്യം ചെയ്യുന്നത് തുടർന്നതോടെ യുവതി പോലീസിൽ പരാതി നൽകുകയായിരുന്നു.
ബന്ധുക്കളുടെ ഫോണ് നമ്പര് ഉപയോഗിച്ചാണ് ശ്രീരാജ് വ്യാജ അക്കൗണ്ടുകള് നിര്മിച്ചതും യുവതിയുമായി ചാറ്റ് ചെയ്തതും. അറസ്റ്റിലായ പ്രതിയെ പൊലീസ് ആലപ്പുഴയിലെ ചീഫ് ജുഡീഷ്യൽ മജിസ്ട്രേറ്റിന് മുൻപിൽ പ്രതിയെ ഹാജരാക്കി.