കൊല്ലം; വ്യാജ ലോട്ടറി നല്കി ലോട്ടറി വില്‍പ്പനക്കാരനായ വയോധികനെ പറ്റിച്ച് പണം തട്ടിയതായി പരാതി. കൊല്ലം അഞ്ചലിലാണ് സംഭവമുണ്ടായത്. വ്യാജ ടിക്കറ്റ് കാണിച്ച് സമ്മാനമടിച്ച അയ്യായിരം രൂപയാണ് വയോധികനില്‍ നിന്നും തട്ടിയെടുത്തത്.
തമിഴ്‌നാട് സ്വദേശിയായ മുഹമ്മദ് സാഹിബിന്റെ കൈയ്യില്‍ നിന്നാണ് വ്യാജലോട്ടറിയുമായി വന്നയാളാണ് പണം തട്ടിയെടുത്തത്. വിന്‍വിന്‍ ഭാഗ്യക്കുറിയുടെ 5000 രൂപ സമ്മാനമടിച്ച ടിക്കറ്റിന്റെ വ്യാജനുമായി വന്നാണ് അജ്ഞാതനായ തട്ടിപ്പുകാരന്‍ മുഹമ്മദ് സാഹിബിനെ കബളിപ്പിച്ചത്.
40 രൂപ വിലയുളള 88 ടിക്കറ്റും 1480 രൂപയും വ്യാജലോട്ടറി കാട്ടി തട്ടിപ്പുകാരന്‍ കൊണ്ടുപോയി. സംഭവച്ചിന് പിന്നാലെ മുഹമ്മദ് സാഹിബ് അഞ്ചല്‍ പൊലീസില്‍ പരാതി നല്കി. തട്ടിപ്പുകാരനെ പൊലീസ് കണ്ടെത്തുമെന്ന പ്രതീക്ഷയില്‍ കാത്തിരിക്കുകയാണ് മുഹമ്മദ് സാഹിബ് ഇപ്പോള്‍.