ആലപ്പുഴ: നിയമസഭാ തിരഞ്ഞെടുപ്പില്‍ വീണ്ടും മത്സരിക്കുമെന്ന് സൂചന നല്‍കി മന്ത്രി ജി സുധാകരന്. അമ്പലപ്പുഴയില്‍ തന്നെയാകും മത്സരിക്കുക. തല്ലിക്കൊന്നാലും കായംകുളത്തു നിന്ന് മത്സരിക്കില്ലെന്ന് അദ്ദേഹം വ്യക്തമാക്കി.
എല്ലാം തീരുമാനിക്കുന്നത് പാര്‍ട്ടിയാണെന്നും പാര്‍ട്ടി ആവശ്യപ്പെട്ടാല്‍ മത്സര രംഗത്ത് ഉണ്ടാകുമെന്നും മന്ത്രി പ്രതികരിച്ചു. തന്നെ കാലുവാരി തോല്‍പ്പിച്ച സ്ഥലമാണ് കായംകുളം. ആ സംസ്‌കാരം ഇപ്പോഴും അവിടെ നിന്നും മാറിയിട്ടില്ലെന്നും സുധാകരന് പറഞ്ഞു. എന്നാല്‍, കായംകുളത്ത് പാര്‍ട്ടി തന്നെ വീണ്ടും ജയിക്കുമെന്നും സുധാകരന് വ്യക്തമാക്കി.
കായംകുളം മുട്ടേല്‍ പാലം ഉദ്ഘാടനത്തിലെ പോസ്റ്റര്‍ വിവാദത്തില്‍ വിവരമില്ലാത്തവരാണ് പോസ്റ്റര്‍ തയ്യാറാക്കിയതെന്നായിരുന്നു മന്ത്രിയുടെ പ്രതികരണം. എംഎല്‍എയുടെ കൂടി ഇടപെടലിലാണ് പാലം നിര്‍മ്മിച്ചതെന്നും മന്ത്രി വ്യക്തമാക്കി.