പാര്‍വതി നായികയായി എത്തിയ ഏറ്റവും പുതിയ ചിത്രമാണ് ‘ഉയരെ’. അകാലത്തില്‍ അന്തരിച്ച സംവിധായകന്‍ രാജേഷ് പിള്ളയുടെ സഹസംവിധായകനായിരുന്ന മനു അശോകന്‍ ആണ് ചിത്രത്തിന്റെ സംവിധായകന്‍. രാജേഷ് പിള്ളയെ കുറിച്ച് മനു ഫേസ്ബുക്കില്‍ പങ്കുവെച്ച കുറിപ്പാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.
‘രാജേഷേട്ടാ നമ്മുടെ സിനിമ ഉയരെ റിലീസായി. എല്ലായിടത്തും ചിത്രത്തിന് നല്ല റിപ്പോര്‍ട്ടാണ്. ചേട്ടന്‍ എവിടെ എങ്കിലും ഇരുന്നു ഇത് കാണുന്നുണ്ടാവും, ചിത്രം അവസാനം മിക്‌സിങ് ചെയ്ത തീയ്യേറ്ററില്‍ അടക്കം നിങ്ങള്‍ എന്റെ കൂടെ ഉണ്ടായിരുന്നു, ഇപ്പോള്‍ എനിക്ക് സന്തോഷാണോ സങ്കടാണോ എന്ന് തിരിച്ചറിയാന്‍ പറ്റുന്നില്ല’ എന്നാണ് മനു ഫേസ്ബുക്കില്‍ കുറിച്ചത്.
നിറഞ്ഞ സദസിലാണ് ‘ഉയരെ’യുടെ പ്രദര്‍ശനം. ചിത്രം കണ്ടിറങ്ങിയവരൊക്കെ പാര്‍വതിയെ പ്രശംസിക്കുന്ന കാഴ്ച്ചയാണ് തീയ്യേറ്ററില്‍ കാണുന്നത്. പാര്‍വതിയുടെ ‘പല്ലവി രവീന്ദ്രന്‍’ എന്ന ആസിഡ് ആക്രമണത്തെ അതിജീവിച്ച പെണ്‍കുട്ടിയുടെ കഥാപാത്രം ഏവരെയും അദ്ഭുതപ്പെടുത്തുന്നതായിരുന്നു. ആസിഫ് അലി, ടൊവീനോ തോമസ്, സിദ്ദിഖ്, അനാര്‍ക്കലി, പ്രതാപ് പോത്തന്‍ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്.
മനു അശോകന്റെ ഫേസ്ബുക്ക് പോസ്റ്റ്
പിള്ളേച്ചാ..നമ്മുടെ സിനിമ റിലീസ് ആയി. ഉയരെ… എല്ലായിടത്തും നല്ല റിപ്പോര്‍ട്ട് ആണ്. എവിടെ എങ്കിലും ഇരുന്നു കാണുന്നുണ്ടാവും അല്ലേ. അവസാനം മിക്‌സിങ് ചെയ്ത തീയേറ്ററില്‍ അടക്കം നിങ്ങള്‍ എന്റെ കൂടെ ഉണ്ട് രാജേഷേട്ടാ… മേഘേച്ചി ഉണ്ടായിരുന്നു സിനിമ കാണാന്‍… പിള്ളേച്ചന്‍ ഇവിടുന്ന് പോകുമ്പോ എന്നെ പിടിച്ച് ഏല്‍പ്പിച്ച രണ്ടാളും സെക്കന്‍ഡ് ഷോ വരെ എന്റെ കൂടെ ഉണ്ടായിരുന്നു ഇന്നലെ. സന്തോഷാണോ സങ്കടാണോ.. തിരിച്ചറിയാന്‍ പറ്റുന്നില്ല..miss you badly കൂടുതലൊന്നും പറയാന്‍ പറ്റുന്നില്ല പിള്ളേച്ചാ… ലവ്
