ജൂണ് എന്ന സൂപ്പര് ഹിറ്റ് ചിത്രത്തിന് ശേഷം പുതിയ ചിത്രവുമായി രജിഷ വിജയന്. ‘ഫൈനല്സ്’ എന്നാണ് ചിത്രത്തിന്റെ പേര്. ഒളിമ്പിക്സിന് തയ്യാറെടുക്കുന്ന ഒരു സൈക്ലിസ്റ്റിന്റെ വേഷത്തിലാണ് രജിഷ ചിത്രത്തിലെത്തുന്നത്.
നവാഗതനായ പിആര് അരുണ് ആണ് ചിത്രത്തിന്റെ രചനയും സംവിധാനവും നിര്വഹിക്കുന്നത്. സുരാജ് വെഞ്ഞാറമൂടും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. മണിയന്പിള്ള രാജുവും പ്രജീവും ചേര്ന്നാണ് ചിത്രം നിര്മ്മിക്കുന്നത്. കൈലാസ് മേനോന് ആണ് ചിത്രത്തിന്റെ സംഗീത സംവിധായകന്.