നടനായും മിമിക്രി താരവുമായൊക്കെ പ്രേക്ഷക ഹൃദയങ്ങളില്‍ ചേക്കേറിയ കലാഭവന്‍ ഷാജോണ്‍ സംവിധാന രംഗത്തേക്ക് കാലെടുത്ത് വെയ്ക്കുന്നു. കുറേക്കാലമായി മനസില്‍ സൂക്ഷിക്കുന്ന ആഗ്രഹമായിരുന്നു സംവിധായകനാവുകയെന്നത്. സുഹൃത്തുകളുടെ പിന്തുണ കൂടിയായപ്പോള്‍ തിരക്കഥ എഴുതി സംവിധാനം ചെയ്യാന്‍ റെഡിയായി. ചിത്രത്തിന് ബ്രദേഴ്‌സ് ഡേ എന്ന പേരും നല്‍കി. ചിത്രത്തിന്റെ സ്വിച്ച് ഓണ്‍ കര്‍മ്മം കൊച്ചിയില്‍ നടന്നു.
പൃഥ്വിരാജാണ് ബ്രദേഴ്‌സ് ഡേയില്‍ നായകനാകുന്നത്. ഐശ്വര്യ ലക്ഷ്മി, പ്രയാഗ മാര്‍ട്ടിന്‍, മിയ, ഹൈമ എന്നിവരാണ് ചിത്രത്തിലെ നായികമാര്‍. ലാല്‍, ധര്‍മ്മജന്‍ ബോള്‍ഗാട്ടി എന്നിവരും പ്രധാന വേഷങ്ങളിലെത്തുന്നു.