ഇത്തവണത്തെ മികച്ച നടനുള്ള സംസ്ഥാന അവാര്‍ഡ് കരസ്ഥമാക്കിയത് ജയസൂര്യയും സൗബിനുമായിരുന്നു. മോഹന്‍ലാല്‍, ജോജു ജോര്‍ജ്, ഫഹദ് എന്നിവരെ പിന്തള്ളിയാണ് ഇരുവരും അവാര്‍ഡ് കരസ്ഥമാക്കിയത്.
അതേ സമയം അവാര്‍ഡിന് പരിഗണിക്കുന്നവരുടെ കൂട്ടത്തില്‍ നിന്നും തന്റെ പേര് മോഹന്‍ലാല്‍ ഒഴിവാക്കുകയായിരുന്നു എന്നാണ് പുരസ്‌കാര പ്രഖ്യാപനത്തിന് ശേഷം വന്ന റിപ്പോര്‍ട്ടുകള്‍. അതേ സമയം സംസ്ഥാന അവാര്‍ഡ് നിരസിച്ച വ്യക്തി സ്വകാര്യ ചാനലിലെ അവാര്‍ഡ് വാങ്ങാന്‍ പോയെന്നാണ് ട്രോളന്‍മാര്‍ പറയുന്നത്. മോഹന്‍ലാല്‍ ഫാന്‍സ് പേജുകളില്‍, യുവ താരങ്ങള്‍ക്ക് അവസരം നല്‍കുന്നതിനായി മോഹന്‍ലാല്‍ അവാര്‍ഡ് ലിസ്റ്റില്‍ നിന്നും സ്വയം പിന്‍മാറിയെന്ന തരത്തിലുള്ള വാര്‍ത്തകള്‍ വ്യാപകമായി പ്രചരിക്കുകയുണ്ടായി. ഇതിനെ ആണ് ട്രോളന്‍മാര്‍ ട്രോളിയിരിക്കുന്നത്.
വനിതാ ഫിലിം അവാര്‍ഡില്‍ ‘ഒടിയനി’ലെയും ‘കായംകുളം കൊച്ചുണ്ണി’യിലേയും പ്രകടനത്തിനാണ് മോഹന്‍ലാലിനെ മികച്ച നടനായി തെരഞ്ഞെടുത്തത്.
