മലയാളികളുടെ പ്രിയപ്പെട്ട എഴുത്തുകാരി കമല സുരയ്യയുടെ ജീവിത കഥ പറഞ്ഞ ‘ആമി’യ്ക്ക് ശേഷം കമല്‍ സംവിധാനം ചെയ്യുന്ന ചിത്രത്തിന്റെ പൂജ കഴിഞ്ഞ ദിവസം നടന്നു. ‘പ്രണയമീനുകളുടെ കടല്‍’ എന്നാണ് ചിത്രത്തിന്റെ പേര്.
വിനായകനും ദിലീഷ് പോത്തനുമാണ് ചിത്രത്തില്‍ പ്രധാന റോളിലെത്തുന്നത്. പുതുമുഖങ്ങളായ ഗബ്രി ജോസ്, ഋദ്ധി കുമാര്‍, ജിതിന്‍ പുത്തഞ്ചേരി, ആതിര, ശ്രേയ എന്നിവരാണ് ചിത്രത്തിലെ മറ്റ് താരങ്ങള്‍.
ചിത്രത്തിന്റെ പ്രധാന ലോക്കേഷന്‍ ലക്ഷദ്വീപാണ്. ഷാന്‍ റഹ്മാനാണ് ചിത്രത്തിന് സംഗീതം നല്‍കുന്നത്. ഡാനി പ്രൊഡക്ഷന്‍സിന്റെ ബാനറില്‍ ജോണി വട്ടക്കുഴിയാണ് ചിത്രം നിര്‍മ്മിക്കുന്നത്. കൊച്ചിയിലെ ഐഎംഎ ഹാളില്‍ വെച്ച് നടന്ന പൂജാ ചടങ്ങില്‍ സംവിധായകരായ ജോഷി, സിദ്ധിഖ്, സിബിമലയില്‍, നിര്‍മ്മാതാക്കളായ സിയാദ് കോക്കര്‍, രഞ്ജിത് തുടങ്ങിയവര്‍ പങ്കെടുത്തു.