മലയാള സിനിമയിൽ മാത്രമല്ല തെന്നിന്ത്യൻ ഭാഷകളിലെല്ലാം നിറഞ്ഞുനിൽക്കുന്ന താരമാണ് നടൻ ജയറാം. കുടുംബ പ്രേക്ഷകരുടെ പ്രിയ താരമായാണ് ജയറാം കരിയറിൽ മുന്നേറിയത്. ഇടക്കാലത്ത് താരത്തിന്റെ നായകനായുള്ള ചിത്രങ്ങളെല്ലാം പരാജയമായിരുന്നു. പിന്നീട് സഹതാരമായി മാറിയെങ്കിലും സോളോ ഹിറ്റുകൾ ഇല്ലാത്തത് ജയറാമിന് വിഷമകരമായ കാലമാണ് സമ്മാനിച്ചത്.
വിജയങ്ങളും പരാജയങ്ങളും മാറി മാറി വരുന്ന ജയറാമിന്റെ കരിയറിൽ സംഭവിച്ച വലിയ ഇടവേളയെ കുറിച്ച് താരം തന്നെ മനസ് തുറന്നിരിക്കുകയാണ് ഇപ്പോൾ. സിനിമയില്ലാതെ താൻ വീട്ടിലിരുന്ന കാലത്തെ കുറിച്ച് ജയറാം പറഞ്ഞ വാക്കുകളാണ് ചർച്ചയാകുന്നത്.
താൻ എട്ടു മാസമായി ജോലി ഇല്ലാതെ ഇരുന്നെന്നും ആരും തിരിഞ്ഞ് നോക്കിയിട്ടില്ല എന്നുമാണ് ജയറാം ഒരു പരിപാടിയിൽ പറഞ്ഞത്. ‘എട്ട് മാസമായി ഞാൻ വീട്ടിലുണ്ട്. സ്ഥിരമായി വിളിക്കുന്ന ആളുകൾ പോലും വിളിക്കാതെയായി. 12 വർഷം തന്റെ കൂടെ ഉണ്ടായിരുന്ന മേക്കപ്പ് മാൻ ഇയാൾക്ക് ഇനി പണിയൊന്നും ഉണ്ടാവില്ലെന്ന് കരുതി പോയി.’- ജയറാം പറയുന്നു.
വിജയമില്ലെങ്കിൽ ആളുകൾ അപ്പോൾ സ്ഥലം വിട്ടു കളയും. ഒരാൾ പോലും വിളിക്കില്ല. നമ്മൾ വിളിച്ചാൽ ഫോൺ എടുക്കില്ല. വ്യത്യസ്തമായ പെരുമായിരിക്കും. സിനിമ വേണമെന്നോ ധനസഹായം വേണമെന്നോ ഒന്നും ഇവരിൽ നിന്ന് ആഗ്രഹിക്കുന്നില്ല. വല്ലപ്പോഴും ഉള്ള വിളികൾ മതി. അതൊക്കെയല്ലേ സന്തോഷം. പരാജയങ്ങൾ എല്ലാ മേഖലയിലും ഉണ്ട്. പരാജയങ്ങൾ വേണമെന്നും ജയറാം പറയുന്നു.