ഇക്കയും കുഞ്ഞിക്കയും മലയാളി മനസുകളുടെ ഇടംനെഞ്ചില്‍ ഇടംപറ്റിയവരാണ്. താരങ്ങളുടെ ഓരോ നീക്കങ്ങളും ചലനങ്ങളും ആരാധകര്‍ക്ക് ആവേശമാണ്. അത്തരത്തിലൊരു ദൃശ്യമാണ് ഇപ്പോള്‍ സമൂഹമാധ്യമങ്ങളാണ് നിറയുന്നത്. മമ്മൂട്ടിയുടെ ജന്മദിനത്തില്‍ വീട്ടിലെത്തിയ ആരാധകര്‍ക്ക് മമ്മൂട്ടി കേക്ക് നല്‍കി ജന്‍മദിനം ആഘോഷിച്ചത് വാര്‍ത്തയായിരുന്നു. പിന്നീട് അവരോടോപ്പം സെല്‍ഫിയും എടുത്താണ് മമ്മൂട്ടി ആരാധകരെ യാത്രയാക്കിയത്.
കഴിഞ്ഞ ദിവസം തന്നെ കാണാനായി വീട്ടിലെത്തിയ ആരാധകരെ വിഷമിപ്പിക്കാതെ താരം സെല്‍ഫിയെടുത്തു. എന്നാല്‍ ഗെയിറ്റിന് പുറത്ത് തടിച്ചു കൂടി ആര്‍ത്തുവിളിച്ച ആരാധകരോട് താരത്തിനും ഉണ്ടായിരുന്നു പറയാന്‍. തന്റെ മകള്‍ ഉറങ്ങുകയാണെന്നും ശബ്ദം ഉണ്ടാക്കരുതെന്നും ആംഗ്യം കാണിക്കുകയായിരുന്നു. പോവല്ലെ ഇക്കാ എന്ന് ആരാധകര്‍ വിളിച്ചു പറയുകയും ശബ്ദം കുറയ്ക്കുകയും ചെയ്തു. പിന്നാലെ ദുല്‍ഖര്‍ പുറത്തിറങ്ങി വന്നു അവര്‍ക്കൊപ്പം സെല്‍ഫിയെടുത്തു. വിഡിയോ അതിവേഗം സമൂഹമാധ്യമങ്ങളില്‍ തംരഗമാകുകയും ചെയ്തു. ദുല്‍ഖറുടെ മകള്‍ മറിയം അമീറ സല്മാന് സമൂഹമാധ്യമങ്ങളില്‍ ആരാധകര്‍ നിരവധിയാണ്.
