മലയാളികള്‍ക്ക് ഏറേ പ്രിയപ്പെട്ട ദമ്പതികളാണ് ഷാജി കൈലാസും ആനിയും. മലയാള സിനിമയ്ക്ക് ഒരു പിടി ഹിറ്റുകള്‍ നല്‍കിയ സംവിധായകനാണ് ഷാജി കൈലാസ്. മികച്ച കഥാപാത്രങ്ങളെ നല്‍കിയ നടിയാണ് ആനി.
സിനിമയില്‍ തിളങ്ങി നില്‍ക്കുന്ന സമയത്താണ് ഷാജി കൈലാസും ആനിയും വിവാഹിതരാവുന്നത്. ഇരുവരുടേയും പ്രണയ വിവാഹമായിരുന്നു. 1996ലാണ് ഇരുവരും വിവാഹിതരാവുന്നത്. ജഗന്‍, ഷാരോണ്, റുഷിന്‍ എന്നീ മക്കളാണ് ഷാജി കൈലാസ്- ആനി ദമ്പതിമാര്‍ക്കുള്ളത്.
ഇന്ന് ആനിയുടെ പിറന്നാളാണ്. പിറന്നാള്‍ ദിനത്തില്‍ പ്രിയതമയോടുള്ള പ്രണയം പറയുന്ന കുറിപ്പുമായി എത്തിയിരിക്കുകയാണ് ഷാജി കൈലാസ്. ഓരോ ദിവസം കഴിയുന്തോറും നിന്നോട് എനിക്ക് പ്രണയം കൂടുകയാണെന്നാണ് അദ്ദേഹം കുറിക്കുന്നത്. ആനിയുടെ ഫോട്ടോയും ഷാജി കൈലാസ് ഷെയര് ചെയ്തിട്ടുണ്ട്.
നീ എന്റെ ഭാര്യയായ ദിവസമാണ് ജീവിതത്തിലെ ഏറ്റവും സന്തോഷകരമായ ദിവസം. ഓരോ ദിവസം കഴിയുന്തോറും നിന്നോട് എനിക്ക് പ്രണയം കൂടുന്നു. എന്റെ ഭാര്യ, എന്റെ ജീവിത പങ്കാളി, എന്റെ അടുത്ത സുഹൃത്ത്, എന്റെ ഹീറോ എന്നിങ്ങനെ നിന്നെ എനിക്ക് ദൈവം സമ്മാനിച്ചു. ജീവിതത്തില്‍ നീ തന്ന എല്ലാ സ്‌നേഹത്തിനും വെളിച്ചത്തിനും എത്ര നന്ദി പറഞ്ഞാലും മതിയാകില്ല. എന്റെ പ്രണയത്തിന് പിറന്നാള്‍ ആശംസകള്‍. മുഴുവനായി ആഘോഷിക്കൂ.- ഷാജി കൈലാസ് കുറിച്ചു.
