തന്റെ അടുത്ത ചിത്രം പ്രഖ്യാപിച്ച് ലോകേഷ് കനകരാജ്. ആരാധകര്‍ ഏറേ പ്രതീക്ഷയോടെ കാത്തിരിക്കുന്ന പുതിയ ചിത്രത്തില്‍ ഉലകനായകന് കമല്‍ഹാസനാണ് നായകനാകുന്നത്. പേരിട്ടിട്ടില്ലാത്ത ചിത്രം കമല്‍ ഹാസന്റെ 232ആം ചിത്രം എന്ന നിലയിലാണ് അനൗണ്‍സ് ചെയ്തത്. ഒരു ഗ്യാംഗ്സ്റ്റര്‍ സിനിമയാണെന്നാണ് പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നത്.
ഒരിക്കല്‍ അവിടെ ഒരു പ്രേതം ഉണ്ടായിരുന്നുവെന്നാണ് പോസ്റ്ററിലുള്ള വാചകം. കമല്‍ഹാസന്റെ നിര്‍മ്മാണ കമ്പനിയായ രാജ്കമല്‍ തന്നെയാണ് ചിത്രം നിര്‍മ്മിക്കുന്നത്. ചിത്രം അടുത്ത വര്‍ഷം റിലീസ് ചെയ്യുമെന്നാണ് സൂചന
കനകരാജിന്റെ അടുത്ത ചിത്രത്തെപ്പറ്റി ചില അഭ്യൂഹങ്ങള്‍ ഉയര്‍ന്നിരുന്നു. കമല്‍ഹാസന്റെ നിര്‍മ്മാണത്തില്‍ രജനികാന്തിനെ നായകനാക്കിയാകും ലോകേഷിന്റെ പുതിയ സിനിമ വരികയെന്നായിരുന്നു നേരത്തെ ഉണ്ടായിരുന്ന അഭ്യൂഹങ്ങള്‍.അതിനെ അസ്ഥാനത്താക്കിയാണ് സംവിധായകന്റെ പ്രഖ്യാപനം.
വിജയ് നായകനായ മാസ്റ്റര്‍ ആണ് കനകരാജ് അവസാനം സംവിധാനം ചെയ്ത ചിത്രം. കഴിഞ്ഞ മാര്‍ച്ചില്‍ മാസത്തില്‍ ചിത്രം തീയറ്ററുകളില്‍ എത്തേണ്ടിയിരുന്നതാണ്. കൊവിഡ് സാഹചര്യത്തില്‍ മാറ്റിവെക്കുകയായിരുന്നു.