അബുദാബി: യുഎഇയില് മിനി ബസുകള് നിരോധിക്കാന് തീരുമാനം. ഫെഡറല് ട്രാഫിക് കൗണ്സിലാണ് യുഎഇയില് മിനി ബസുകള് നിരോധിക്കാന് തീരുമാനിച്ചത്. 2023 ജനുവരി മുതല് നിരോധനം പ്രാബല്യത്തില് വരും അതേസമയം 2021 സെപ്തംബര് മുതല് തന്നെ കുട്ടികളെ മിനി ബസുകളില് കൊണ്ടുവരുന്നതിന് വിലക്ക് ഏര്പ്പെടുത്തും.
15 യാത്രക്കാര് വരെ സഞ്ചരിക്കുന്ന വാഹനങ്ങളുടെ ലൈസന്സിങ് മാനദണ്ഡങ്ങളില് അബുദാബി പോലീസ് നേരത്തെ മാറ്റം കൊണ്ടുവന്നിരുന്നു. യാത്രക്കാരുടെ സുരക്ഷ കണക്കിലെടുത്തായിരുന്നു ഇത്. ഇതിന് പിന്നാലെയാണ് യുഎഇയില് മിനി ബസുകള് നിരോധിക്കാനുള്ള തീരുമാനം ഫെഡറല് ട്രാഫിക് കൗണ്സില് തീരുമാനം എടുത്തത്. രാജ്യത്തെ റോഡുകളിലെ അപകടങ്ങള്, മരണങ്ങള്, ഗതാഗത നിയമ ലംഘനങ്ങള് തുടങ്ങിയവയും യോഗം ചര്ച്ച ചെയ്തു.