മക്ക: മക്കയിലും മദീനയിലും ആദ്യമായി സന്ദര്ശനത്തിന് എത്തുന്ന ഹജ്ജ്-ഉംറ തീര്ത്ഥാടകര്ക്കായി പ്രത്യേക കമ്പനികളെ ചുമതലപെടുത്തി. ഹജ്ജ്, ഉംറ മന്ത്രാലയത്തിനു കീഴില് വരുന്ന ഇവരുടെ സേവനം ഇരുപത്തി നാല് മണിക്കൂറും ലഭ്യമാവും.
ആദ്യമായി എത്തുന്ന തീര്ത്ഥാടകര് അവരുടെ താമസ സ്ഥാലങ്ങളില് എത്താന് പ്രയാസപ്പെടുന്നു. അതേസമയം തീര്ത്ഥാടകര് വഴിതെറ്റി പോകുന്നതും സ്ഥിരം കാഴ്ചയാണ്. ഈ സാഹചര്യത്തില് ഇവരെ സഹായിക്കാന് വേണ്ടി തയ്യാറാക്കിയ പദ്ധതിയാണിത്.
ഇതിനായി ഈ വര്ഷം മക്കയിലും മദീനയിലും നാല് സെന്ററുകള് വീതമുണ്ടാകും. ഇരു ഹറമുകളുടെയും നാലു വശങ്ങളിലായി ഇവ സ്ഥാപിക്കും. തീര്ഥാടകരുടെ പൂര്ണ ഉത്തരവാദിത്വം സര്വീസ് കമ്പനികള്ക്കാണ്.
വീഴ്ച്ച വരുത്തുന്ന സര്വീസ് കമ്പനികള്കെതിരെ പിഴ അടക്കമുള്ള ശക്തമായ നടപടി ഉണ്ടാവുമെന്നും മന്ത്രാലയം വ്യക്തമാകി.