മക്കയുടെയും യുഎഇയുടെയും ബഹിരാകാശ ദൃശ്യങ്ങള്‍ പങ്കുവച്ച ഹസ്സ അല്‍ മന്‍സൂരി

ദുബായ്: ബഹിരാകാശത്തുനിന്ന് മക്കയുടെയും യുഎഇയുടെയും ദൃശ്യങ്ങള്‍ പകര്‍ത്തി
യുഎഇയിലെ ആദ്യ ബഹിരാകാശ സഞ്ചാരി ഹസ്സ അല്‍ മന്‍സൂരി. ഹസ്സ തന്നെയാണ് മക്കയിലെ മസ്ജിദുല്‍ ഹറം ഉള്‍ക്കൊള്ളുന്ന ചിത്രം ട്വിറ്ററിലൂടെ പങ്കുവച്ചത്. യുഎഇയുടെ ചിത്രവും ഇത്തരത്തില്‍ പോസ്റ്റ് ചെയ്തിരുന്നു.

മുസ്ലിംകളുടെയെല്ലാം ഹൃദയത്തിലുള്ള സ്ഥലവും പ്രാര്‍ത്ഥനകള്‍ക്കായി അവര്‍ അഭിമുഖീകരിക്കുന്ന സ്ഥലവുമെന്നായിരുന്നു മക്കയുടെ ചിത്രത്തിന് ഹസ്സ അല്‍ മന്‍സൂരിയുടെ അടിക്കുറിപ്പ്.

യുഎഇയുടെ ചിത്രം പങ്കുവെച്ചുകൊണ്ട് അദ്ദേഹം ട്വിറ്ററില്‍ ഇങ്ങനെ എഴുതി, ‘ഏറ്റവും സന്തോഷവാനായ ബഹിരാകാശ സഞ്ചാരിയില്‍ നിന്ന് ഏറ്റവും സന്തോഷകരമായ രാജ്യത്തിലേക്ക്. ഇത് ചരിത്രമാണ്. ഇതാണ് ബഹിരാകാശത്തുനിന്നുള്ള യുഎഇ’.