ഫുക്കുഓക്ക: ഡാവിഞ്ചിയുടെ മോണാലിസയെ വളരെ വ്യത്യസ്തമായ രീതിയില്‍ നിര്‍മ്മിച്ച് ഒരുക്കൂട്ടം വിദ്യാര്‍ത്ഥികള്‍. ജപ്പാനിലെ ഫുക്കുഓക്കയിലെ ഒരു പാചകപരിശീലന കേന്ദ്രത്തിലെ വിദ്യാര്‍ത്ഥികളാണ് 2,200 ബ്രെഡ്ഡിന്റെ കഷ്ണങ്ങള്‍ കൊണ്ട് ഈ മോണാലിസ നിര്‍മ്മിച്ചിരിക്കുന്നത്. സ്‌കൂളിന്റെ വാര്‍ഷികാഘോഷ ദിവസങ്ങളിലാണ് ആളുകള്‍ക്ക് ബ്രെഡ്ഡില്‍ തീര്‍ത്ത ഈ മോണാലിസയെ കാണാനാവുക.
30 വിദ്യാര്‍ത്ഥികള്‍ രണ്ട് മാസം കൊണ്ടാണ് മോണാലിസയുടെ നിര്‍മ്മാണം പൂര്‍ത്തിയാക്കിയത്. 7.8 അടി നീളവും, 1.5 മീറ്റര്‍ വീതിയുമാണിതിനുള്ളത്. കറുപ്പും വെളുപ്പും ബ്രെഡ്ഡ് ഉണ്ടാക്കുകയായിരുന്നു ഇതിനായി ആദ്യം ചെയ്തത്. പിന്നീടവ മൊരിച്ചെടുത്തു, മുറിച്ചു. പ്ലൈവുഡ്ഡില്‍ ബ്രെഡ്ഡുകള്‍ ചേര്‍ത്തുവെച്ചാണ് ഇതുണ്ടാക്കിയിരിക്കുന്നത്.
