ലോകപ്രശസ്ത ഫുട്‌ബോളർ ക്രിസ്റ്റ്യാനോ റൊണാൾഡോയ്ക്കും പങ്കാളി ജോർജിനയ്ക്കും പിറന്ന നവജാതശിശു മരിച്ചു.റൊണാൾഡോയുടെ ഇരട്ടകുട്ടികളിൽ ഒരാളാണ് മരിച്ചത്. കുഞ്ഞ് മരിച്ച വിവരം റൊണാൾഡോ തന്നെയാണ് സമൂഹമാധ്യമങ്ങളിലൂടെ അറിയിച്ചത്.
ഒരു പെൺകുഞ്ഞിനും ആൺകുഞ്ഞിനുമാണ് റൊണാൾഡോയുടെ പങ്കാളി ജോർജിന റൊഡ്രിഗസ് ജന്മം നൽകിയത്. ഇതിൽ ആൺകുഞ്ഞാണ് മരണപ്പെട്ടത്. ഏതൊരു മാതാപിതാക്കൾക്കും ഏറ്റവും വലിയ വേദനയാണിതെന്നും റൊണാൾഡോ ഇൻസ്റ്റഗ്രാമിൽ കുറിച്ചു.
പെൺകുഞ്ഞിന്റെ ജനനമാണ് ഈ നിമിഷത്തിൽ ജീവിക്കാനുള്ള ശക്തി നൽകുന്നതെന്നും റൊണാൾഡോ പറഞ്ഞു. കൃത്യമായ പരിചരണവും കരുതലും നൽകുന്ന ഡോക്ടർമാർക്കും നഴ്‌സുമാർക്കും താരം നന്ദി അറിയിച്ചിട്ടുമുണ്ട്. തങ്ങളുടെ ആൺകുഞ്ഞ് ഒരു മാലാഖയാണെന്നും അവനെ എക്കാലവും തങ്ങൾ സ്‌നേഹത്തോടെ ഓർക്കുമെന്നും റൊണാൾഡോ കുറിച്ചു.