കീവ്: റഷ്യയുടെ ആക്രമണത്തിൽ നിന്ന് യുക്രൈനെ രക്ഷിക്കണമെന്ന് ഇന്ത്യയോട് അഭ്യർത്ഥനയുമായി കേരളത്തിൽ നിന്ന് കടൽ കടന്നൊരു നായ. ‘ചപാതി’ എന്നു പേരുള്ള നായയാണ് തന്റെ ഇൻസ്റ്റഗ്രാം പേജിലൂടെ ഇന്ത്യയോട് അഭ്യർത്ഥിച്ചത്.
‘ട്രാവലിങ് ചപാതി’ എന്ന ഇൻസ്റ്റഗ്രാം പേജിൽ ഭാരതമാതാവിനോട് യുക്രൈനെ രക്ഷിക്കണമെന്ന് നായ പറയുന്നു. യുക്രൈൻകാരായ യൂഗസ് പെട്രസ്-ക്രിസ്റ്റീന എന്നീ സഞ്ചാരികളായ ദമ്പതികളാണ് ഈ നായയുടെ ഉടമസ്ഥർ. ഇവരാണ് കുറിപ്പ് പങ്കിട്ടത്.
2017-ൽ ഒരു യാത്രക്കിടെ കൊച്ചിയിൽ നിന്നാണ് ചപാതിയെ ഇരുവർക്കും ലഭിക്കുന്നത്. അവശനിലയിലായ നായയെ രക്ഷിച്ച് അവർ യുക്രൈനിലേക്ക് കൊണ്ടുപോകുകയായിരുന്നു. അന്നുമുതൽ ദമ്പതികൾക്കൊപ്പം നാടുചുറ്റുകയാണ് ചപാതിയും.
ഇൻസ്റ്റഗ്രാം കുറിപ്പ് ;
‘പ്രിയപ്പെട്ട ഭാരതമാതാവേ, എന്റെ കുടുംബത്തിന്റെ ജീവൻ ഭീഷണിയിലായതു പോലെ ലക്ഷക്കണക്കിന് യുക്രൈൻകാരും നിരപരാധികളായ മൃഗങ്ങളും ദുരിതത്തിലാണ്. നിശബ്ദരാകരുത്. തെരുവിലിറങ്ങി യുക്രൈനായി ശബ്ദമുയർത്തുക.