തിരുവനന്തപുരം: സംസ്ഥാനത്ത് കാലവര്‍ഷം ശക്തി പ്രാപിച്ചതോടെ തീരദേശ പ്രദേശങ്ങളില്‍ കടല്‍ക്ഷോഭം രൂക്ഷമാക്കുന്നു. തിരുവനന്തപുരം വലിയതുറയില്‍ കഴിഞ്ഞ ദിവസം രാത്രി കനത്ത കടല്‍ക്ഷോഭത്തില്‍ രണ്ടു വീട് തകര്‍ന്നതോടെ നഷ്ടമായ വീടുകളുടെ എണ്ണം എട്ടായി.
കടല്‍ക്ഷോഭത്തി ലക്ഷങ്ങളുടെ നാശമുണ്ടായെന്നാണ് അനൗദ്യോഗിക കണക്ക്. നിലവില്‍ വീട് തകര്‍ന്നതും പ്രശ്‌നബാധിത പ്രദേശങ്ങളില്‍ നിന്നുമായി 35 കുടുംബങ്ങളാണ് വലിയതുറ ഗവ യുപി സ്‌കൂളില്‍ ആറ് മുറികളിലായി അഭയം തേടിയത്. അതേസമയം ഇത് സ്‌കൂളിലെ കുട്ടികളുടെ പഠനത്തെ ബന്ധിച്ചിട്ടുണ്ടെന്നും സര്‍ക്കാര്‍ അടിയന്തിരമായി ഇടപ്പെടംമെന്നുമാണ് ബാധിതരുടെ ആവശ്യം.