കാസർകോട്: രാജ്യത്തെ ഒന്നടങ്കം കണ്ണീരിലാഴ്ത്തിയ അഹമ്മദാബാദ് വിമാനാപകടത്തില് മരിച്ച പത്തനംതിട്ട പുല്ലാട് സ്വദേശി രഞ്ജിതയെ സമൂഹമാധ്യമത്തിലൂടെ അധിക്ഷേപിച്ച ഡെപ്യൂട്ടി തഹസില്ദാറെ പിരിച്ചുവിടാൻ ശുപാർശ.
വെള്ളരിക്കുണ്ട് ഡെപ്യൂട്ടി തഹസിൽദാർ എ പവിത്രനെയാണ് പിരിച്ചുവിടാൻ ജില്ലാ കലക്ടർ കെ ഇമ്പശേഖർ ശുപാർശ നൽകിയത്. പവിത്രൻ്റെ ഭാഗത്ത് നിന്നും തുടർച്ചയായ അച്ചടക്ക ലംഘനം ഉണ്ടായ സാഹചര്യത്തിലാണ് തീരുമാനം.
ശുപാര്ശ കത്ത് റവന്യു വകുപ്പിന് കൈമാറി.നിരവധി മുന്നറിയിപ്പുകളും താക്കീതുകളും ഇയാൾക്ക് നല്കിയിരുന്നു. നിരവധി നടപടികള്ക്ക് വിധേയനായിട്ടുമുണ്ട്.
എന്നാൽ ഇതിനുശേഷവും നിരന്തരമായി റവന്യു വകുപ്പിനും സര്ക്കാരിനും അപകീര്ത്തി ഉണ്ടാക്കുന്ന പ്രവൃത്തികള് ആവര്ത്തിച്ച് വരുന്നതിനാലാണ് പവിത്രനെ സര്വീസില് നിന്ന് പിരിച്ചു വിടണം എന്ന ശുപാർശ ജില്ലാ കലക്ടർ സർക്കാരിന് നൽകിയ കത്തിൽ ഉൾപ്പെടുത്തിയത്.