തൃശൂര്‍: തൃശ്ശൂരിലെ എന്‍ഡിഎ സ്ഥാനാര്‍ഥി സുരേഷ് ഗോപിയുടെ ഇരിങ്ങാലക്കുടയിലുള്ള ഫ്‌ലക്‌സ് വിവാദത്തില്‍. സുരേഷ് ഗോപിയുടെ ഫ്‌ലക്സില്‍ ഇന്നസെന്റിന്റെ ചിത്രം ചേര്‍ത്തതാണ് വിവാദമായത്.
സുരേഷ് ഗോപിയെ വിജയിപ്പിക്കുക എന്നെഴുതിയ തിരഞ്ഞെടുപ്പ് ഫ്‌ലക്‌സിലാണ് ഇന്നസെന്റിന്റെ ചിത്രവുമുള്ളത്. തങ്ങളുടെ അനുവാദത്തോടെയല്ല ചിത്രം ഉപയോഗിച്ചതെന്ന് ഇന്നസെന്റിന്റെ കുടുംബം പറഞ്ഞു. പാര്‍ട്ടിയുമായി ആലോചിച്ച് തുടര്‍ നടപടി സ്വീകരിക്കുമെന്ന് മകന്‍ സോണറ്റ് വ്യക്തമാക്കി.
