പാലക്കാട്: വൈദ്യുതി വേലിയില്‍ നിന്നും ഷോക്കേറ്റ് വയോധികന് ദാരുണാന്ത്യം. മണ്ണാര്‍ക്കാട് പുല്ലശ്ശേരി ശ്രാമ്പിക്കല്‍ വീട്ടില്‍ ഹംസപ്പ(50)ആണ് മരിച്ചത്. ഇന്ന് രാവിലെയാണ് സംഭവമുണ്ടായത്. കാരാകുറിശ്ശി വലിയട്ടയില്‍ കോട്ടക്കല്‍ അസീസ് എന്നയാളുടെ തെങ്ങ് -കവുങ്ങ് തോട്ടത്തില്‍ നിന്നാണ് ഷോക്കേറ്റത്.
പന്നിയെ തുരത്താനായി ഇവിടെ വൈദ്യുതി വേലി നിര്‍മ്മിച്ചിരുന്നു. ഇയാളുടെ തോട്ടത്തിലെ അടയ്ക്ക കരാര്‍ എടുത്തത് ഹംസപ്പയായിരുന്നു. അടയ്ക്ക പെറുക്കുന്നതിനിടെ ഹംസപ്പയ്ക്ക് ഷോക്കേറ്റുകയായിരുന്നു. മൃതദേഹം ജില്ലാ ആശുപത്രിയില്‍ പോസ്റ്റ്മാര്‍ട്ടം നടത്തും.