പ്രേക്ഷകര്‍ക്ക് സുപരിചിതയായ അവതാരകയാാണ് ശ്രീയ അയ്യര്‍. ബോഡി ബില്‍ഡിംഗില്‍ കഴിവ് തെളിയിച്ച ശ്രീയ മിസ് കേരള ഫിസിക് ഉള്‍പ്പടെ നിരവധി നേട്ടങ്ങള്‍ കരസ്ഥമാക്കിയിരുന്നു. ഇപ്പോഴിതാ ജീവിതത്തിലെ ഏറ്റവും വലിയ സന്തോഷമാണ് ശ്രീയ പങ്കുവയ്ക്കുന്നത്. താന്‍ പ്രണയത്തിലാണെന്ന് നേരത്തെ താരം പറഞ്ഞിരുന്നു.
ജനന്‍ തോമസുമായി വിവാഹം കഴിഞ്ഞെന്ന ശ്രീയ സന്തോഷം പങ്കുവച്ചു. നാളും ഡേറ്റുമൊന്നും നോക്കിയില്ല, വിവാഹിതരായെന്ന് താരം പറയുന്നു. ജനന്‍ തോമസിനെ കഴിഞ്ഞ ഒരു വര്‍ഷമായി പരിചയമുണ്ട്. ഡേറ്റിംഗിലായിരുന്നു. ഫാമിലിയിലൊക്കെ അറിയിച്ച് കുറേക്കഴിഞ്ഞ് വിവാഹം നടത്താനായിരുന്നു തീരുമാനിച്ചത്.
ജനന്റെ സഹോദരി വിദേശത്തേക്ക് തിരിച്ച് പോവുകയാണ്. അങ്ങനെയാണ് പെട്ടെന്ന് വിവാഹം തീരുമാനിച്ചത്. നാളും ഡേറ്റുമൊന്നും നോക്കിയില്ല. വീക്കെന്‍ഡില്‍ കല്യാണം കഴിക്കാമെന്ന് പറഞ്ഞു. അമ്മയോട് പറഞ്ഞപ്പോള്‍ കുറച്ചൊക്കെ ബുദ്ധിമുട്ടുണ്ടായിരുന്നു.
സ്വന്തമായൊരു ജിം ഇടാന്‍ ആഗ്രഹമുണ്ടെന്ന് ശ്രീയ മുന്‍പ് പറഞ്ഞിരുന്നു. ആണുങ്ങള്‍ക്കും പെണ്ണുങ്ങള്‍ക്കും വര്‍ക്കൗട്ട് ചെയ്യാനാവുന്ന തരത്തിലുള്ള ജിം സെറ്റ് ചെയ്യാനാണ് ആഗ്രഹം. ആദ്യമൊക്കെ ജിമ്മില്‍ പോവുമ്പോള്‍ കമന്റടിയും തുറിച്ചുനോട്ടവുമൊക്കെയുണ്ടായിരുന്നു. പിന്നീട് അതുമാറി. ഫിറ്റ്നസും വര്‍ക്കൗട്ടും ജീവിതത്തില്‍ എത്രത്തോളം പ്രധാനപ്പെട്ടതാണെന്ന് ആളുകള്‍ക്ക് മനസിലായതോടെ കാര്യങ്ങള്‍ എളുപ്പമായി.
നേരത്തെയൊക്കെ കിളിനാദം പോലെയുള്ള ശബ്ദമായിരുന്നു. ബോഡി ബില്‍ഡിംഗില്‍ നന്നായി വെയ്റ്റ് എടുത്ത് തുടങ്ങിയതോടെയാണ് ശബ്ദത്തിലും മാറ്റങ്ങള്‍ പ്രകടമായത്. ഗാംഭീര്യമുള്ള ഈ ശബ്ദമാണ് എനിക്കിഷ്ടമെന്നും ശ്രീയ വ്യക്തമാക്കിയിരുന്നു. ഡിപ്രഷനിലായിരുന്ന സമയത്തായിരുന്നു ജിമ്മിലേക്ക് പോയത്. ബോഡി ബില്‍ഡറായതോടെ കൂടുതല്‍ പ്രശസ്തി ലഭിച്ചിരുന്നു.
പെട്ടെന്ന് തന്നെ എല്ലാവരേയും വിശ്വസിക്കുന്ന സ്വഭാവമുണ്ട്. പ്രണയത്തിലും അങ്ങനെയായിരുന്നു. കൊച്ചിയില്‍ താമസിച്ചിരുന്ന സമയത്തായിരുന്നു റിലേഷന്‍ഷിപ്പ് തുടങ്ങിയത്. അന്യമതത്തിലുള്ള ആളെയായിരുന്നു പ്രണയിച്ചത്. ഒരു റിയാലിറ്റി ഷോയില്‍ ഒന്നിച്ച് മത്സരിച്ചിരുന്നു. പ്രണയം വീട്ടിലറിഞ്ഞപ്പോള്‍ എതിര്‍പ്പുകളായിരുന്നു. പക്വതയോടെ അന്ന് തീരുമാനമെടുക്കാനായിരുന്നില്ല. ശാരീരികമായും ഉപദ്രവങ്ങള്‍ തുടങ്ങിയതോടെയായിരുന്നു ഇറങ്ങിപ്പോന്നത്.
ആത്മാര്‍ത്ഥമായി സ്നേഹിച്ചയാളില്‍ നിന്നും ശാരീരികമായും മാനസികമായും ബുദ്ധിമുട്ടുകള്‍ നേരിടേണ്ടി വന്നപ്പോഴായിരുന്നു ജീവിതം അവസാനിപ്പിക്കാനായി ഒന്നിലധികം തവണ ശ്രമിച്ചിരുന്നു. ഇനി ജീവിക്കേണ്ടെന്നായിരുന്നു അന്ന് കരുതിയത്. അന്ന് മുറിച്ച പാട് മാറ്റാന്‍ വേണ്ടിയാണ് കൈയ്യില്‍ ടാറ്റു ചെയ്തതെന്നും ശ്രീയ മുന്‍പ് വ്യക്തമാക്കിയിരുന്നു.
