പൂക്കോട്ടുംപാടം: കഴുത്തില് ചരടുചുറ്റി കസേരയിലിരുന്നു കറങ്ങിയ കുട്ടിക്ക് ദാരുണാന്ത്യം. ചരടു കഴുത്തില് കുരുങ്ങിയാണ് പാട്ടക്കരിമ്പ് മച്ചിങ്ങല് ഫൈസല് നാസറിന്റെയും ഒ.പി. മുനീറയുടെയും മകന് മുഹമ്മദ് റാഫിഹ് (10) മരിച്ചത്.
പറമ്പ ഗവ. യു.പി. സ്കൂളിലെ അഞ്ചാംക്ലാസ് വിദ്യാര്ഥിയാണ് മരിച്ച റാഫിഹ്. വ്യാഴാഴ്ച ഉച്ചയോടെയാണ് സംഭവം. കുട്ടികള് കളിക്കുന്നതിനിടയിലുണ്ടായ തര്ക്കത്തിനിടെ പിണങ്ങിയ റാഫിഹ് മുറിയില്ക്കയറി വാതിലടച്ച് ചരട് കഴുത്തിലിട്ട് കറങ്ങുന്ന കസേരയില് ഇരുന്നു.
കസേര കറങ്ങിയതോടെ ചരട് കഴുത്തില് കുരുങ്ങുകയായിരുന്നു. രക്ഷിതാക്കള് കുട്ടിയെ ഉടന് നിലമ്പൂര് ജില്ലാ ആശുപത്രിയിലെത്തിച്ചങ്കിലും രക്ഷിക്കാനായില്ല. മൃതദേഹം മഞ്ചേരി ഗവ. മെഡിക്കല്കോളേജ് ആശുപത്രി മോര്ച്ചറിയിലാണ്. സഹോദരങ്ങള്: റിയാ ഫാത്തിമ, റെനാ ഫാത്തിമ, മുഹമ്മദ് റസല്.