തിരുവനന്തപുരം: അഞ്ചുതെങ്ങില്‍ വീണ്ടും വള്ളം മറിഞ്ഞ് അപകടം. മാമ്പള്ളിയില്‍ മത്സ്യ ബന്ധനത്തിന് പോയ വള്ളം മറിഞ്ഞ് ഒരാള്‍ മരിച്ചു. അഞ്ചുതെങ്ങ്, മാമ്പള്ളി, പുതുമണല്‍ പുരയിടത്തില്‍ ജോസഫ് (45) ആണ് മരിച്ചത്. ഇന്ന് രാവിലെയായിരുന്നു അപകടം.
അഞ്ചു പേര്‍ പോയ വള്ളമാണ് മറിഞ്ഞത്. മറ്റുള്ളവര്‍ പരിക്കുകളോടെ രക്ഷപ്പെട്ടു. ജോസഫിന്റെ മൃതദേഹം ചിറയിന്‍കീഴ് താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. അപകടം സ്ഥിരമായ അഞ്ചു തെങ്ങില്‍ കഴിഞ്ഞയാഴ്ച മത്സ്യ ബന്ധന വള്ളം മറിഞ്ഞ് മൂന്നു പേര്‍ മരിച്ചിരുന്നു.
അഞ്ചുതെങ് സ്വദേശികളായ തങ്കച്ചന്‍ (52), അഗസ്റ്റിന്‍ (34), അലക്‌സ് (45) എന്നിവരാണ് മരിച്ചത്. മത്സ്യബന്ധനം കഴിഞ്ഞ് തീരത്തേക്ക് മടങ്ങുമ്പോഴായിരുന്നു അപകടം ഉണ്ടായത്. ശക്തമായ കാറ്റിലും മഴയിലുംപെട്ട് നിയന്ത്രണം നഷ്ടമായാണ് വള്ളം മറിഞ്ഞത്. അഞ്ച് പേരാണ് വള്ളത്തിലുണ്ടായിരുന്നത്. ബിനു, ഈപ്പന്‍ എന്നിവര്‍ കടലില്‍ ചാടി നീന്തി രക്ഷപ്പെടുകയായിരുന്നു.