തിരുവനന്തപുരം: സംസ്ഥാനത്ത് ഇന്ന് 97 പേര്ക്ക് കൂടി കൊവിഡ് 19 സ്ഥിരീകരിച്ചു. കൊവിഡ് അവലോകന യോഗത്തിന് ശേഷം തിരുവനന്തപുരത്ത് നടത്തിയ വാര്ത്താ സമ്മേളനത്തിലാണ് മുഖ്യമന്ത്രി പിണറായി വിജയന് ഇക്കാര്യം അറിയിച്ചത്. അതേസമയം, 89 പേര് രോഗമുക്തി നേടി.
സംസ്ഥാനത്ത് ഇന്ന് ഒരാള് കൂടി കൊവിഡ്-19 മൂലം മരണമടഞ്ഞു. നിലവില് 21 പേരാണ് കൊവിഡ് ബാധിച്ച് മരിച്ചത്. കണ്ണൂരില് എക്സൈസ് വകുപ്പിലെ ഡ്രൈവര് കെപി സുനിലാ(28)ണ് മരിച്ചത്. ഇന്ന് രോഗം ബാധിച്ചവരില് 65 പേര് വിദേശത്തുനിന്നു വന്നവരാണ്. 29 പേര് മറ്റു സംസ്ഥാനങ്ങളില് നിന്ന് വന്നവരാണ്. സമ്പര്ക്കം മൂലം മൂന്നുപേര്ക്കും രോഗം ബാധിച്ചു. മറ്റ് സംസ്ഥാനങ്ങളില്നിന്ന് വന്നവരില് രോഗം സ്ഥിരീകരിച്ചവരുടെ കണക്ക്: മഹാരാഷ്ട്ര-12,ഡല്ഹി-7, തമിഴ്നാട്-5, ഹരിയാണ-2, ഗുജറാത്ത്-2, ഒഡീഷ-1.
ഫലം നെഗറ്റീവ് ആയവരുടെ ജില്ല തിരിച്ചുള്ള കണക്ക്:
തിരുവനന്തപുരം-9, കൊല്ലം-8, പത്തനംതിട്ട-3, ആലപ്പുഴ-10, കോട്ടയം-2, കണ്ണൂര്-4, എറണാകുളം-4, തൃശ്ശൂര്-22, പാലക്കാട്-11, മലപ്പുറം-2, കോഴിക്കോട്-1, വയനാട്-2, കാസര്കോട്-11. കോവിഡ്-19 പരിശോധനാഫലം പോസിറ്റീവ് ആയവരുടെ ജില്ല തിരിച്ചുള്ള കണക്ക്: പാലക്കാട്-14, കൊല്ലം-13, കോട്ടയം-11, പത്തനംതിട്ട-11, ആലപ്പുഴ-9, എറണാകുളം-6, ഇടുക്കി-6, തൃശ്ശൂര്-6, തിരുവന്തപുരം-5, കോഴിക്കോട്-5, മലപ്പുറം-4, കണ്ണൂര്-4, കാസര്കോട്-3.