തിരുവനന്തപുരം; സംസ്ഥാനത്ത് ഇന്ന് 67 പേര്ക്ക് കൂടി കൊവിഡ് സ്ഥിരീകരിച്ചു. 10 പേര് രോഗമുക്തി നേടി. കൊവിഡ് അവലോകന യോഗത്തിന് ശേഷം മുഖ്യമന്ത്രി നടത്തിയ വാര്ത്ത സമ്മേളനത്തിലാണ് ഇക്കാര്യം അറിയിച്ചത്. പാലക്കാട് 29 പേര്ക്കും, കണ്ണൂര് 8 പേര്ക്കും, കോട്ടയം 6 പേര്ക്കും മലപ്പുറം എറണാകുളം എന്നിവിടങ്ങളില് 5 പേര്ക്ക് വീതവും, തൃശ്ശൂര് കൊല്ലം 4 പേര്ക്ക് വീതവും, കാസര്കോട് ആലപ്പുഴ 3 പേര്ക്ക് വീതവുമാണ് ഇന്ന് രോഗം സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 27 പേര് വിദേശത്ത് നിന്ന് വന്നവരാണ്. തമിഴ്നാട് 9, മഹാരാഷ്ട്ര 15, ഗുജറാത്ത് 5, കര്ണാടക 2, പോണ്ടിച്ചേരി 1 ഡല്ഹിയില് ഒരാള്ക്കും രോഗം സ്ഥിരീകരിച്ചു. സമ്പര്ക്കം മൂലം 7 പേര്ക്കുമാണ് ഇന്ന് രോഗം സ്ഥിരീകരിച്ചത്. ഇതോടെ സംസ്ഥാനത്ത് രോഗം സ്ഥിരീകരിച്ചവരുടെ എണ്ണം 963 ആയി.
ഇതില് 415 പേര് ചികിത്സയിലുണ്ട്. നിരീക്ഷണത്തിലുള്ളത് 104336 പേരാണ്. 103528 പേര് വീടുകളിലോ സര്ക്കാര് കേന്ദ്രങ്ങളിലോ ആണ്. 808 പേര് ആശുപത്രികളില്. ഇന്ന് 186 പേരെ ആശുപത്രിയില് പ്രവേശിപ്പിച്ചു. 56704 സാമ്പിളുകള് പരിശോധനക്ക് അയച്ചു. 54836 എണ്ണത്തില് രോഗബാധയില്ല. ഇതുവരെ മുന്ഗണനാ വിഭാഗത്തിലെ 8599 സാമ്പിളുകള് ശേഖരിച്ചതില് 8174 എണ്ണം നെഗറ്റീവാണ്.