തിരുവനന്തപുരം: കൊറോണ വൈറസ് ബാധയെക്കുറിച്ച് വ്യാജവാര്ത്തകള് പ്രചരിപ്പിക്കുന്നവര്ക്കെതിരെ കര്ശന നടപടിയെടുക്കാന് ഡിജിപിയുടെ നിര്ദ്ദേശം. വൈറസ് ബാധ സംബന്ധിച്ച് പല തരത്തിലുള്ള വ്യാജവാര്ത്തകള് സാമൂഹ്യമാധ്യമങ്ങളില് പ്രത്യക്ഷപ്പെടുന്നതിന്റെ അടിസ്ഥാനത്തിലാണ് ഡിജിപിയുടെ നിര്ദ്ദേശം.
ഇത്തരം വാര്ത്തകള് തയ്യാറാക്കി സമൂഹമാധ്യമങ്ങളില് പോസ്റ്റ് ചെയ്യുന്നവരേയും അതെല്ലാം ഫോര്വേഡ് ചെയ്യുന്നവരെയും കണ്ടെത്തി പ്രോസിക്യൂഷന് നടപടി സ്വീകരിക്കുമെന്ന് ഡിജിപി മുന്നറിയിപ്പ് നല്കി.
ഇതിനു വേണ്ട നിര്ദ്ദേശം ജില്ലാ പോലീസ് മേധാവിമാര്, ഹൈടെക് ക്രൈം എന്ക്വയറി സെല്, സൈബര് ഡോം, സൈബര് പോലീസ് സ്റ്റേഷനുകള്, സൈബര് സെല് എന്നിവര്ക്കും ഡിജിപി നല്കി.