തൃശ്ശൂര്: ചൈനയില് നിന്നും കൂടുതല് രാജ്യങ്ങളിലേക്ക് കൊറോണ വൈറസ് വ്യാപിക്കുന്ന പശ്ചാത്തലത്തില് കൊറോണ വൈറസിനെതിരെ ജാഗ്രത ശക്തമാക്കി ആരോഗ്യ വകുപ്പ്. ഇതിന്റെ ഭാഗമായി മെഡിക്കല് കോളേജുകളിലും ജില്ലയിലെ പ്രധാന ജനറല് അല്ലെങ്കില് ജില്ലാ ആശുപത്രികളിലും ഐസൊലേഷന് വാര്ഡുകള് തയ്യാറാക്കാന് നിര്ദേശം നല്കിയെന്ന് ആരോഗ്യമന്ത്രി കെകെ ശൈലജ അറിയിച്ചു. ഫേസ്ബുക്കിലൂടെയാണ് മന്ത്രി ഇക്കാര്യം അറിയിച്ചത്.
എല്ലാ ആശുപത്രികളിലും അണുനശീകരണ പ്രവര്ത്തനങ്ങള് ഊര്ജിതമാക്കണ്ടെതാണ്. മാസ്ക്, കൈയ്യുറ, സുരക്ഷാ കവചങ്ങള് തുടങ്ങിയ വ്യക്തിഗത സുരക്ഷാ ഉപകരണങ്ങള്, മരുന്നുകള് എന്നിവ ലഭ്യമാക്കാന് കെഎംഎസ്സിഎല്നെ ചുമതലപ്പെടുത്തിയിട്ടുണ്ട്. രോഗലക്ഷണങ്ങള് ഉള്ളവരുടെ സാമ്പിളുകള് വൈറോളജി ലാബിലേക്ക് അയക്കാനും നിര്ദേശം നല്കിയിട്ടുണ്ടെന്നും മന്ത്രി പറഞ്ഞു.
ഫേസ്ബുക്ക് പോസ്റ്റ്;
മെഡിക്കല് കോളേജുകളിലും ജില്ലയിലെ പ്രധാന ജനറല് അല്ലെങ്കില് ജില്ലാ ആശുപത്രികളിലും ഐസൊലേഷന് വാര്ഡുകള് തയ്യാറാക്കാന് നിര്ദേശം നല്കിയിട്ടുണ്ട്. എല്ലാ ആശുപത്രികളിലും അണുനശീകരണ പ്രവര്ത്തനങ്ങള് ഊര്ജിതമാക്കാണ്ടതാണ്. മാസ്ക്, കൈയ്യുറ, സുരക്ഷാ കവചങ്ങള് തുടങ്ങിയ വ്യക്തിഗത സുരക്ഷാ ഉപകരണങ്ങള്, മരുന്നുകള് എന്നിവ ലഭ്യമാക്കാന് കെ.എം.എസ്.സി.എല്.നെ ചുമതലപ്പെടുത്തിയിട്ടുണ്ട്. രോഗലക്ഷണങ്ങള് ഉള്ളവരുടെ സാമ്പിളുകള് വൈറോളജി ലാബിലേക്ക് അയക്കാനും നിര്ദേശം നല്കിയിട്ടുണ്ട്.