തിരുവനന്തപുരം: തൃശ്ശൂര്, കൊല്ലം ജില്ലകളില് ഇടിയോട് കൂടിയ മഴയ്ക്ക് സാധ്യത. ഇരു ജില്ലകളിലേയും ചിലപ്രദേശങ്ങളില് ഇടിയോട് കൂടിയ മഴ പെയ്യുമെന്നാണ് പ്രവചനം. കൂടാതെ മണിക്കൂറില് 40 മുതല് 55 കിലോമീറ്റര് വരെ വേഗത്തില് കാറ്റ് വീശാനും സാധ്യതയുണ്ട്.
ശക്തമായ കാറ്റ് വീശാന് സാധ്യതയുള്ളതിനാല് മത്സ്യത്തൊഴിലാളികള് പ്രസ്തുത പ്രദേശങ്ങളില് കടലില് പോകരുതെന്ന് നിര്ദേശമുണ്ട്. 11 /08/2019 രാത്രി 11:30 വരെ പൊഴിയൂര് മുതല് കാസറഗോഡ് വരെയുള്ള കേരള തീരത്ത് 3.5 മുതല് 3.8 മീറ്റര് വരെ ഉയരത്തില് തിരമാലകള് ഉണ്ടാകാന് സാധ്യതയുണ്ടെന്ന് ദേശീയ സമുദ്ര സ്ഥിതിപഠന കേന്ദ്രവും അറിയിച്ചു.
കൂടാതെ, ആഗസ്റ്റ് 12 ന് ഇടുക്കി, മലപ്പുറം, കോഴിക്കോട് , വയനാട് ,കണ്ണൂര് ,കാസര്ഗോഡ് എന്നീ ജില്ലകളിലും ആഗസ്റ്റ് 13 ന് ഇടുക്കി, മലപ്പുറം, വയനാട് എന്നീ ജില്ലകളിലും ആഗസ്റ്റ് 14 ന് എറണാകുളം ,ഇടുക്കി, പാലക്കാട് ,മലപ്പുറം എന്നീ ജില്ലകളിലും, കേന്ദ്ര കാലാവസ്ഥ നിരീക്ഷണ വകുപ്പ് ‘ഓറഞ്ച്’ അലര്ട്ട് പ്രഖ്യാപിച്ചിട്ടുണ്ട്.