ചെന്നൈ: കേരളത്തില്‍ ഇടതുപക്ഷ സര്‍ക്കാര്‍ തുടര്‍ഭരണം നേടുമെന്ന് നടനും അഖിലേന്ത്യ സമത്വ കക്ഷി പാര്‍ട്ടി നേതാവുമായ ശരത് കുമാര്‍. ഇടതുപക്ഷം വിജയിക്കുമെന്ന ഉറച്ച വിശ്വാസമുണ്ടെന്നും ശരത് കുമാര്‍ കൂട്ടിച്ചേര്‍ത്തു. വേങ്ങര മണ്ഡലത്തില്‍ ജിജി എന്ന എല്‍ഡിഎഫ് സ്ഥാനാര്‍ത്ഥി തന്റെ സുഹൃത്താണെന്നും ശരത്കുമാര്‍ പറഞ്ഞു.
തമിഴ്നാട്ടില്‍ കമല്ഹാസന് മുഖ്യമന്ത്രിയാവുമെന്നും ശരത് കുമാര്‍ പറയുന്നു. തമിഴ്നാട്ടില്‍ കമല്ഹാസന് വളരെയേറെ സാധ്യതയുണ്ട്. യുവാക്കളുമായി അദ്ദേഹത്തിന് വളരെ അടുപ്പമുണ്ട്. സിനിനമിയില്‍ മാത്രമല്ല ജനങ്ങളുടെ ഹൃദയത്തിലും അദ്ദേഹം വിജയിച്ചെന്നും ശരത്കുമാര്‍ കൂട്ടിച്ചേര്‍ത്തു. എതിര്‍പക്ഷത്തുള്ളവര്‍ക്ക് നേരെ കേന്ദ്ര ഏജന്‍സികള്‍ റെയ്ഡ നടത്തുകയാണെന്നും ശരത് കുമാര്‍ ആരോപിച്ചു.
എന്‍ഡിഎ ഘടകക്ഷിയായിരുന്ന ശരത്കുമാറിന്റെ പാര്‍ട്ടി ശരത് കുമാര്‍ അടുത്തിടെയാണ് കമല്‍ഹാസന്റെ മക്കള്‍ നീതി മയ്യത്തോട് കൈകോര്‍ത്തത്. സീറ്റ് വിഭജന ചര്‍ച്ചയ്ക്ക് പോലും വിളിക്കാതെ തന്നെഎന്‍ഡിഎ അപമാനിച്ചെന്ന് ശരത് കുമാര്‍ നേരത്തെ ആരോപിച്ചിരുന്നു.
