ന്യൂഡല്ഹി: രാജ്യത്ത് വൈറസ് ബാധിതരുടെ എണ്ണം 99 ലക്ഷം കടന്നു. കഴിഞ്ഞ 24 മണിക്കൂറിനിടെ പുതുതായി രോഗം സ്ഥിരീകരിച്ചത് 22,065 പേര്ക്കാണ്. ഇതോടെ വൈറസ് ബാധിതരുടെ എണ്ണം 99,06,165 ആയി ഉയര്ന്നു.
കഴിഞ്ഞ 24 മണിക്കൂറിനിടെ 354 പേരാണ് വൈറസ് ബാധമൂലം മരിച്ചത്. ഇതോടെ മരണസംഖ്യ 1,43,709 ആയി ഉയര്ന്നു. അതേസമയം രോഗമുക്തി നേടിയവരുടെ എണ്ണവും വര്ധിച്ചിട്ടുണ്ട്. കഴിഞ്ഞ 24 മണിക്കൂറിനിടെ 34477 പേരാണ് രോഗമുക്തി നേടിയത്. ഇതോടെ രോഗമുക്തി നേടിയവരുടെ എണ്ണം 9422636 ആയി ഉയര്ന്നു. നിലവില് രാജ്യത്ത് 3,39,820 ആക്ടീവ് കേസുകളാണ് ഉള്ളത്.
അതേസമയം ലോകത്ത് യുഎസ് കഴിഞ്ഞാല് ഏറ്റവും അധികം കൊവിഡ് കേസുകള് സ്ഥിരീകരിച്ചത് ഇന്ത്യയിലാണ്. ആകെയുള്ള കൊവിഡ് മരണത്തില് മൂന്നാം സ്ഥാനത്താണ് ഇന്ത്യ. അമേരിക്ക, ബ്രസീല് എന്നിവിടങ്ങളാണ് ഏറ്റവും അധികം കൊവിഡ് മരണം റിപ്പോര്ട്ട് ചെയ്യപ്പെട്ട മറ്റ് രാജ്യങ്ങള്.
With 22,065 new #COVID19 infections, India's total cases rise to 99,06,165
With 354 new deaths, toll mounts to 1,43,709. Total active cases at 3,39,820
Total discharged cases at 94,22,636 with 34,477 new discharges in the last 24 hours. pic.twitter.com/NzAo6yFeWT
— ANI (@ANI) December 15, 2020