അമൃത്സര്: കേന്ദ്രസര്ക്കാരിന്റെ കാര്ഷിക നിയമത്തില് പ്രതിഷേധിച്ച് പഞ്ചാബ് ബിജെപി ജനറല് സെക്രട്ടറി മല്വിന്ദര് സിംഗ് കാംഗ് പാര്ട്ടിയില് നിന്ന് രാജിവെച്ചു. പാര്ട്ടിയുടെ പ്രാഥമിക അംഗത്വം അടക്കം ഉപേക്ഷിക്കുകയാണെന്ന് അറിയിച്ചുകൊണ്ടാണ് അദ്ദേഹം സംസ്ഥാന പ്രസിഡന്റ് അശ്വനി ശര്മയ്ക്ക് മല്വിന്ദര് കത്ത് കൈമാറിയത്.
കേന്ദ്രസര്ക്കാരിന്റെ പുതിയ കാര്ഷികനിയമങ്ങള്ക്കെതിരെ കര്ഷകരും തൊഴിലാളികളും ചെറുകിട വ്യാപാരികളും പ്രക്ഷോഭം നടത്തിവരികയാണ്. കര്ഷകര് ഉന്നയിക്കുന്ന ആവശ്യങ്ങള് പരിഗണിച്ച് പ്രശ്നം പരിഹരിക്കാന് ക്രിയാത്മക നടപടി സ്വീകരിക്കണമെന്ന് പാര്ട്ടി കേന്ദ്രസംസ്ഥാന നേതൃത്വങ്ങളോട് തുടര്ച്ചയായി അഭ്യര്ത്ഥിച്ചിട്ടും ഫലം ഉണ്ടായില്ലെന്ന് മല്വിന്ദര് രാജിക്കത്തില് പറഞ്ഞു.
തൊഴിലാളികര്ഷക ഐക്യം വിജയിക്കട്ടെ എന്ന് എഴുതിയാണ് അദ്ദേഹം കത്ത് അവസാനിപ്പിച്ചിരിക്കുന്നത്. കാര്ഷിക നിയമത്തില് വന് തോതിലുള്ള പ്രതിഷേധമാണ് രാജ്യത്ത് അരങ്ങേറിയത്.