ബംഗളൂരു: കര്‍ണാടകയില്‍ പോപ്പുലര്‍ ഫ്രണ്ടിനെയും എസ്ഡിപിയെയും നിരോധിച്ചേയ്ക്കുമെന്ന് റിപ്പോര്‍ട്ട്. ബംഗളൂരുവില്‍ നടന്ന അക്രമത്തിന്റെ അടിസ്ഥാനത്തിലാണ് തീരുമാനം. പോപ്പുലര്‍ ഫ്രണ്ട് അതിന്റെ രാഷ്ട്രീയ വിഭാഗമായ എസ്ഡിപിഐ എന്നീ സംഘടനകളെയാണ് സര്‍ക്കാര്‍ നിരോധിക്കാനൊരുങ്ങുന്നത്.
ഓഗസ്റ്റ് 20 ന് നടക്കുന്ന മന്ത്രിസഭാ യോഗത്തില്‍ ഇതുസംബന്ധിച്ച അന്തിമ തീരുമാനം ഉണ്ടായേക്കുമെന്നാണ് ലഭിക്കുന്ന വിവരം. സംസ്ഥാന പഞ്ചായത്ത് രാജ്- ഗ്രാമവികസന വകുപ്പ് മന്ത്രി കെഎസ് ഈശ്വരപ്പയാണ് ഇതുസംബന്ധിച്ച വിവരം കൈമാറിയത്.
ഓഗസ്റ്റ് 11 ന് നടന്ന അക്രമത്തില്‍ എസ്ഡിപിഐ പ്രവര്‍ത്തകരായ നിരവധി ആളുകള്‍ അറസ്റ്റിലായിരുന്നു. അക്രമത്തിന് പ്രേരിപ്പിച്ചതിനാണ് ഇവരെ അറസ്റ്റ് ചെയ്തതത്. രണ്ട് സംഘടനകളെയും നിരോധിക്കുന്നത് സംബന്ധിച്ച് സര്‍ക്കാരിന് വിവിധ മേഖലകളില്‍ നിന്ന് സമ്മര്‍ദ്ദമുണ്ടെന്നും മന്ത്രി അറിയിച്ചു. ഉപമുഖ്യമന്ത്രി സിഎന്‍ അശ്വന്ത് നാരായണ്‍, റവന്യു മന്ത്രി ആര്‍ അശോക എന്നിവരും നിരോധനം സംബന്ധിച്ച സൂചനകള്‍ നല്‍കിയിട്ടുണ്ട്.