ചെന്നൈ: ഗായകന് എസ്പി ബാലസുബ്രഹ്മണ്യത്തിന് കൊവിഡ് 19 സ്ഥിരീകരിച്ചു. അദ്ദേഹം തന്നെയാണ് കൊവിഡ് ബാധിതനായ കാര്യം അറിയിച്ചത്. മൂന്ന് ദിവസമായി ജലദോഷവും നെഞ്ചില് അസ്വസ്ഥതയും ശ്വാസതടസ്സവും പനിയും ഉണ്ടായിരുന്നു. വിട്ടുമാറാതായപ്പോള് പരിശോധനയ്ക്ക് വിധേയനാവുകയും കൊറോണ സ്ഥിരീകരിക്കുകയുമായിരുന്നുവെന്നും എസ്പി പറയുന്നു.
വളരെ കുറഞ്ഞ അളവില് മാത്രമേ വൈറസ് ബാധിച്ചിട്ടുള്ളൂ. കാര്യമായ ആരോഗ്യപ്രശ്നങ്ങള് ഇല്ലാത്തതിനാല് വീട്ടില് തന്നെ തുടരാമായിരുന്നു. എന്നാല് കുടുംബാംഗങ്ങളുടെ സുരക്ഷയ്ക്ക് വേണ്ടി താന് ആശുപത്രിയില് പ്രവേശിച്ചുവെന്നും അദ്ദേഹം കൂട്ടിച്ചേര്ത്തു. തനിക്ക് നല്ല ചികിത്സ ലഭിക്കുന്നുണ്ടെന്നും ആരും ആശങ്കപ്പെടരുതെന്നും എസ്പിബി അറിയിച്ചു.