ന്യൂഡല്ഹി: കോണ്ഗ്രസ് അധ്യക്ഷ സോണിയാ ഗാന്ധിയെ ആശുപത്രിയില് പ്രവേശിപ്പിച്ചു. ന്യൂഡല്ഹിയിലെ ഗംഗാറാം ആശുപത്രിയിലാണ് പ്രവേശിപ്പിച്ചത്. അതേസമയം, പതിവ് പരിശോധനകള്ക്കാണ് സോണിയ എത്തിയതെന്ന് ആശുപത്രി ചെയര്മാന് ഡോ. ഡി.എസ് റാണ മാധ്യമങ്ങളോട് പറഞ്ഞു.
കഴിഞ്ഞ ദിവസം വൈകീട്ട് ഏഴിനാണ് സോണിയയെ ആശുപത്രിയിലെത്തിച്ചത്. എന്നാല് സോണിയയുടെ ആരോഗ്യനില തൃപ്തികരമാണെന്നും പതിവ് പരിശോധനകള്ക്ക് വേണ്ടിയാണ് സോണിയ ആശുപത്രിയില് എത്തിയതെന്നും ഡി.എസ് റാണ വ്യക്തമാക്കി.
കഴിഞ്ഞ ഫെബ്രുവരിയില് വയറുവേദനയെ തുടര്ന്ന് സോണിയ ന്യൂഡല്ഹിയിലെ ഗംഗാറാം ആശുപത്രിയില് ചികിത്സ തേടിയിരുന്നു. അതിനിടെ, കോണ്ഗ്രസ് രാജ്യസഭാംഗങ്ങളുടെ യോഗം വ്യാഴാഴ്ച സോണിയാ ഗാന്ധിയുടെ അധ്യക്ഷതയില് ചേര്ന്നിരുന്നു.
കോവിഡിന്റെ പശ്ചാത്തലത്തില് വീഡിയോ കോണ്ഫറന്സ് വഴിയാണ് യോഗം. മുന് പ്രധാനമന്ത്രി മന്മോഹന് സിങ് അടക്കമുള്ളവര് വീഡിയോ കോണ്ഫറന്സില് പങ്കെടുത്തിരുന്നു.