ന്യൂഡല്‍ഹി: ഡല്‍ഹി നിയമസഭാ തെരഞ്ഞെടുപ്പ് ഫല പ്രഖ്യാപനം വരുന്നതിനു മുന്‍പേ സത്യപ്രതിജ്ഞാ ചടങ്ങിന് പശ്ചിമ ബംഗാള്‍ മുഖ്യമന്ത്രി മമത ബാനര്‍ജിയെ ക്ഷണിച്ച് അരവിന്ദ് കെജരിവാള്‍. മമത ബാനര്‍ജിയെ ടെലഫോണില്‍ വിളിച്ചാണ് കെജരിവാള്‍ ആത്മവിശ്വാസം പ്രകടിപ്പിച്ചത്. തുടര്‍ ഭരണം ഉണ്ടാകുമെന്ന ഉറച്ച വിശ്വാസത്തിലാണ് കെജരിവാള്‍.
എക്സിറ്റ് പോള്‍ ഫലങ്ങള്‍ പുറത്ത് വന്നതിനു ശേഷമായിരുന്നു ഇരുവരും സംസാരിച്ചത്. ഇതിനിടെ ക്ഷണിക്കുകയായിരുന്നു. ചടങ്ങില്‍ സംബന്ധിക്കാന്‍ മമത എത്തുമെന്ന് പറഞ്ഞതായി അരവിന്ദ് കെജരിവാളിന്റെ ഓഫീസ് അറിയിച്ചു. മറ്റ് പ്രധാന തിരക്കുകളൊന്നുമില്ലെങ്കില്‍ തീര്‍ച്ചയായും ചടങ്ങില്‍ പങ്കെടുക്കാന്‍ എത്തുമെന്നാണ് മമത അറിയിച്ചത്.