ഹാപുര്: മരുന്ന് വാങ്ങാനായി 30 രൂപ ആവശ്യപ്പെട്ട ഭാര്യയെ മുത്തലാഖ് ചൊല്ലിയ യുവാവ് അറസ്റ്റില്. ഉത്തര്പ്രദേശിലെ ഹാപൂരിലാണ് സംഭവം. മരുന്ന് വാങ്ങാനായാണ് യുവതി ഭര്ത്താവിനോട് പണം ആവശ്യപ്പെട്ടത്.
പണം ചോദിച്ചതിന് യുവാവ് തര്ക്കത്തിലേര്പ്പെട്ട ശേഷം മുത്തലാഖ് ചൊല്ലി വീട്ടില് നിന്ന് പുറത്താക്കിയെന്നാണ് യുവതി പോലീസിന് നല്കിയ പരാതിയില് പറയുന്നത്. മുത്തലാഖ് ക്രിമിനല് കുറ്റമാക്കി പാര്ലമെന്റ് പാസാക്കിയ നിയമപ്രകാരമാണ് കേസെടുത്തതെന്ന് ഡിഎസ്പി രാജേഷ് സിങ്ങ് പറഞ്ഞു.
മൂന്നു വര്ഷം മുമ്പാണ് ഇരുവരും വിവാഹിതരാകുന്നത്. ഇവരുടെ രണ്ട് മക്കളെയും യുവതിയില് നിന്ന് അകറ്റിയിരിക്കുകയാണെന്നും യുവതി പോലീസിനോട് പറഞ്ഞു.