ശ്രീനഗര്: രാജ്യത്തെ ഒന്നടങ്കം നടുക്കിയ ജമ്മു കശ്മീരിലെ പഹല്ഗാം ഭീകരാക്രമണത്തില് കൂടുതല് ഭീകരരെ തിരിച്ചറിഞ്ഞു. ഭീകരര് പീര്പഞ്ചാല് മലനിരകളില് ഒളിച്ചിരിക്കുന്നതായി സൈന്യത്തിന് രഹസ്യവിവരം ലഭിച്ചു.
നിലവിൽ അഞ്ചില് നാല് ഭീകരരെയാണ് തിരിച്ചറിഞ്ഞത്. ഇതില് രണ്ടുപേര് പാകിസ്ഥാനികളാണെന്ന് എന്ഐഎ സ്ഥിരീകരിച്ചു. രണ്ടുപേരുടെ രേഖാചിത്രം കൂടി പുറത്തുവിട്ടിട്ടുണ്ട്.
ആക്രമണം നടത്തിയ ഭീകരരായ അലിഭായ് അഥവാ തല്ഹാ ഭായ് എന്നറിയപ്പെടുന്നയാളും ആസിഫ് ഫൗജി എന്നയാളും പാകിസ്ഥാനികളാണെന്ന് സ്ഥിരീകരിച്ചിട്ടുണ്ട്.
പൊലീസ് നേരത്തെ പുറത്തുവിട്ട രേഖാചിത്രത്തിലുള്ള ആദില് ഹുസൈന് തോക്കര് അനന്തനാഗ് സ്വദേശിയാണെന്ന് സ്ഥിരീകരിച്ചിട്ടുണ്ട്.
ആദില് ഹുസൈന് നേരത്തെ പാകിസ്ഥാനില് പോയി പരിശീലനം നേടിയിട്ടുണ്ട്. ്അഹ്സാന് എന്ന ഭീകരന് പുല്വാമ സ്വദേശിയാണെന്നും കണ്ടെത്തിയിട്ടുണ്ട്.