ആലുവ: പത്താംക്ലാസ് വിദ്യാര്ത്ഥിയുടെ കൈയെല്ല് അധ്യാപിക അടിച്ച് പൊട്ടിച്ചതായി പരാതി. ആലുവ കുട്ടമശ്ശേരി ഗവ ഹൈസ്കൂള് വിദ്യാര്ത്ഥിയുടെ കൈയെല്ല് അധ്യാപിക മറിയാമ്മ തല്ലി പൊട്ടിച്ചുവെന്നാണ് പരാതി. സംഭവത്തില് പോലീസ് കേസെടുത്ത് അന്വേഷണം തുടങ്ങി.
കണക്ക് ക്ലാസില് ഉത്തരം തെറ്റിച്ചപ്പോല് അധ്യാപിക മറിയാമ്മ ചൂരല് ഉപയോഗിച്ച് പല തവണ കൈയിലും നെഞ്ചിലും തല്ലിയെന്നാണ് പരാതി. കൈക്കുഴയില് പല തവണ അടിച്ചപ്പോള് എല്ല് പൊട്ടിയതെന്നാണ് വിദ്യാര്ത്ഥി പറയുന്നത്. കഴിഞ്ഞ 17നാണ് സംഭവം നടന്നത്.
അതേസമയം തല്ലിയ കാര്യം അധ്യാപിക സമ്മതിച്ചിട്ടുണ്ട്. എന്നാല് എല്ല് പൊട്ടുന്ന തരത്തില് തല്ലിയിട്ടില്ലെന്നാണ് പ്രധാനാധ്യാപികയുടെ പ്രതികരണം. എന്നാല് ടീച്ചര്ക്കെതിരെ നടപടി എടുക്കുന്നതിന് പകരം പണം നല്കി കേസ് ഒതുക്കാനാണ് സ്കൂള് അധികൃതരും ചില പോലീസുകാരും ശ്രമിക്കുന്നതെന്ന് അമ്മ ഷാജിത ആരോപിച്ചു