പരിക്ക് കാരണം ഇടവേളയിലായിരുന്ന മുന് കേരള ബ്ലാസ്റ്റേഴ്സ് താരം ഇയാന് ഹ്യൂം കളത്തില് തിരിച്ചെത്തുന്നു. കഴിഞ്ഞ ഐഎസ്എല് സീസണ് അവസാനം മുതല് പുറത്തായ ഇയാന് ഹ്യൂം പൂണെ സിറ്റിക്ക് ഒപ്പം ചേര്ന്നിരുന്നു എങ്കിലും ഇതുവരെ കളത്തില് ഇറങ്ങാനോ പൂണെയുടെ സ്ക്വാഡില് എത്താനോ ആയിരുന്നില്ല. എന്നാല് പൂണെ സിറ്റി തങ്ങളുടെ സ്ട്രൈക്കറായ എമിലിയാനോ അല്ഫാരോയെ ലോണ് അടിസ്ഥാനത്തില് എടി കെയില് അയച്ചതോടെ ഹ്യൂം ടീമില് എത്തുമെന്ന് ഉറപ്പായി.
അല്ഫാരോ പോയതോടെ പൂണെ സിറ്റിക്ക് ഇപ്പോള് ഐ എസ് എല് സ്ക്വാഡില് ആറ് വിദേശ താരങ്ങള് മാത്രമെ ഉള്ളൂ. ഏഴാം വിദേശ താരമായി ഇയാന് ഹ്യൂമിനെ ടീമില് എത്തിക്കും. പരിക്കില് നിന്ന് മുക്തനായി വരുന്ന ഇയാന് ഹ്യൂം പൂനെ സിറ്റിയുടെ ഫസ്റ്റ് ടീമിനൊപ്പം ട്രെയിനിങ് ആരംഭിച്ചിട്ടുണ്ട്. കൊല്ക്കത്തയില് കേരളത്തിലും കാഴ്ചവെച്ച തന്റെ മികവ് പൂണെയിലും ഹ്യൂം കാണിക്കും എന്നാണ് ആരാധകര് കരുതുന്നത്.
ഐ എസ് എല്ലിലെ എക്കാലത്തെയും ടോപ്പ് സ്കോറര് ആണ് ഇയാന് ഹ്യൂം. കഴിഞ്ഞ വര്ഷം കേരള ബ്ലാസ്റ്റേഴ്സിലേക്ക് തിരിച്ചെത്തിയ ഹ്യൂമിന് പരിക്ക് കാരണം സീസണില് നിരവധി മത്സരങ്ങള് പുറത്തിരിക്കേണ്ടി വന്നിരുന്നു. രണ്ട് സീസണുകളിലായി കേരളത്തിനായി 10 ഗോളുകള് ഇയാന് ഹ്യൂം നേടിയിട്ടുണ്ട്. ഹ്യൂമിന്റെ സ്കോറിംഗ് ബൂട്ടുകള് പൂനെ സിറ്റിയെ കഷ്ടകാലത്തില് നിന്ന് രക്ഷിക്കും എന്നാണ് ടീമിന്റെയും പ്രതീക്ഷ