കഴിഞ്ഞദിവസം ബോളിവുഡ് താരം സണ്ണി ലിയോണിന്റെ വിവാഹ വാര്‍ഷികമായിരുന്നു. വന്‍ആഘോഷ പരിപാടികള്‍ സംഘടിപ്പിക്കാതെ ഭര്‍ത്താവിനും മക്കള്‍ക്കുമൊപ്പം ലളിതമായാണ് സണ്ണി വിവാഹവാര്‍ഷികം കൊണ്ടാടിയത്. ഭര്‍ത്താവ് ഡാനിയല്‍ വെബ്ബര്‍ക്ക് വിവാഹ വാര്‍ഷിക ആശംസകളും താരം നേര്‍ന്നു.
ഈ ആഘോഷത്തിന്റെ ചിത്രങ്ങള്‍ ഇന്‍സ്റ്റാഗ്രാമില്‍ പങ്കുവെച്ചു കൊണ്ടായിരുന്നു സണ്ണി ലിയോണിന്റെ ആശംസകള്‍. ‘ഡാനീ.. നിങ്ങളാണ് എന്റെ ജീവിതത്തിലെ ഏറ്റവും വലിയ സന്തോഷം, എന്റെ ഏറ്റവും അടുത്ത സുഹൃത്താണെന്നതാണ്. അതിലുമുപരി എന്റെ കുഞ്ഞുങ്ങളുടെ നല്ല പിതാവും. ഈ ആഘോഷത്തില്‍ എറ്റവും സന്തോഷകരമായ കാര്യം എന്തെന്നാല്‍ ഞങ്ങളുടെ മകളാണ് കേക്ക് ഉണ്ടാക്കിയത്”- താരം ഇന്‍സ്റ്റാഗ്രാമില്‍ കുറിച്ചതിങ്ങനെ.
കേക്കിന് മുന്‍പില്‍ ഡാനിയേലിന്റെയും തന്റെയും കൈപിടിച്ച് നില്‍ക്കുന്ന മകള്‍ നിഷയുടെ ചിത്രവും സണ്ണി പോസ്റ്റ് ചെയ്തിട്ടുണ്ട്. 21 മാസം പ്രായമുള്ളപ്പോള്‍ മഹാരാഷ്ടയിലെ ലാത്തൂറിലെ ഒരു അനാഥാലയത്തില്‍ നിന്ന് 2017 ലാണ് സണ്ണിയും ഭര്‍ത്താവും നിഷയെ ദത്തെടുത്തത്. നിഷ വന്നതിന് ശേഷം സണ്ണിക്ക് വാടക ഗര്‍ഭപാത്രത്തിലൂടെ ഇരട്ടക്കുട്ടികള്‍ പിറന്നിരുന്നു. ആഷര്‍, നോഹ എന്നിങ്ങനെയാണ് കുട്ടികളുടെ പേര്.